ޕްރޮގްރެސިވް ކޮންގްރެސް ކޯލިޝަންގެ ލީޑަރ، ޕީއެންސީގެ ރައީސް އަދި ރާއްޖޭގެ ޢިއްޒަތްތެރި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައިވެރިވެވަޑައިގަންނަވާ ޚާއްސަ ހަރުގެ ޖަލްސާއެއް ބޭއްވުމަށް ހަމަޖެހިފައިވާ ކަމަށް ޕީއެންސީން މިއަދު ބުނެފިއެވެ. 

ޕީއެންސީން އެކްސްގައި ކުރި ޕޯސްޓެއްގައި ބުނެފައިވާ ގޮތުގައި، މި ޖަލްސާ ބޭއްވުމަށް ހަމަޖެހިފައިވަނީ 7 ޖުލައި ވާ އާދީއްތަ ދުވަހުގެރޭ 20:30 ގައި ހެންވޭރު ވެޔޮ ވިލާ (އާޓިފިޝަލް ބީޗް ކުރިމަތީ) ގައެވެ. 

މި ޖަލްސާގައި ބައިވެރިވެވަޑައިގަތުމަށް ހުރިހާ ބޭފުޅުންނަށް ޕީއެންސީން ވަނީ ދަޢުވަތު އަރުވާފައެވެ.

Advertisement

މިއީ ޕީއެންސީގެ މައި ހަރުގެ ހުޅުވުމަށްފަހު، ރައީސުލްޖުމްހޫރިއްޔާ ބައިވެރިވެވަޑައިގެން ބޭއްވޭ ދެވަނަ ޖަލްސާއެވެ. 

މި ހަރުގެ ހުޅުވާފައިވަނީ ނިމިދިޔަ ޖޫން މަހުގެ 23 ވަނަ ދުވަހުގައެވެ. ހަރުގެ ހުޅުވައިދެއްވީ ރައީސް މުއިއްޒެވެ. އެ ޖަލްސާގައި ވާހަކަ ދައްކަވަމުން އެމަނިކުފާނު ވަނީ ހަރުގޭގެ ބޭނުން ފުރިހަމަ ގޮތުގައި ހިފައި ރައްޔިތުންނަށް ހަގީގަތްތައް ހާމަ ކުރުމަށް ގިނަ ހަރުގެ ޖަލްސާތައް ބޭއްވުމަށް އެދިވަޑައިގެންފައެވެ.