މިހާރު އިދިކޮޅު މައި ޕާޓީ އަކީ އެމަނިކުފާނު އިސްވެ އުފެއްދެވިޕާޓީ، ޕީޕަލްސް ނެޝަނަލް ފްރޮންޓް، ޕީއެންއެފް ކަމަށް ކުރީގެ ރައީސް އަބްދުالله ޔާމީން އަބްދުލްޤައްޔޫމް ވިދާޅުވެއްޖެއެވެ.
ރޭ ޕީއެންއެފްގެ ފްރަންޓް އޮފީހުގައި ބޭއްވުނު ޖަލްސާއެއްގައި ވާހަކަފުޅު ދައްކަވަމުން، ޔާމީން ވިދާޅުވީ، ޕީއެންއެފްގެ ޅަފަތުގައިވެސް، ޕާޓީ ފުޅާވެ، އިދިކޮޅު ޕާޓީ ކަމަށް ލޭބަލް ކުރެވިފައިވާ ކަމަށެވެ.
"ވަރަށް ޅަފަތުގައި އަޅުގަނޑުމެންގެ ޕާޓީ ވަރަށް ޅަފަތުގައި އޮއްވާ އިދިކޮޅު ޕާޓީ ކަމަށް ލޭބަލް ކޮށްފި
ކުރީގެ ރައީސް އަބްދުالله ޔާމީން އަބްދުލްޤައްޔޫމް
ރޭގެ ޖަލްސާގެ ތެރެއިން: ފޮޓޯ/ ވޮއިސް
ޔާމީން ވިދާޅުވިގޮތުގައި، ރައްޔިތުންގެ ހައްގުތަކުގެ ވާހަކަ އެންމެ ގަދައަށް ދައްކާ ކަމަށް އެމްޑީޕީއިން ވަކާލާތު ކުރި ނަމަވެސް، ކޮންމެ ފަހަރަކު ވެސް ވެރިކަން ލިބުމުން ބަހާއި އަމަލާ ދިމާނުވާ ކަމަށެވެ.
އަދި އެމްޑީޕީން މިހާރު އެއްވެސް ކަމެއް ކުރާ ތަނެއް ފެނިވަޑައި ނުގަންނަވާ ކަމަށާ، އެންމެ ފަހުންވެސް ފެނި ވަޑައިގެންނެވީ ރައީސުލްޖުމްހޫރިއްޔާ، ރާއްޖޭގެ އިގްތިޞާދަށް ގެއްލުންވާ ކަންކަން ކުރެއްވުމުން ވެސް އެމްޑީޕީން އެއަށް ތާއީދު ކުރަމޭ ބުނިތަން ކަމަށް ޔާމިން ވިދާޅުވިއެވެ.
"އެމްޑީޕީ އަކީ މިހާރު އެއްވެސް އުރަތްޕެއް ނެތް، ހުސްވެފައި އޮތް ފޯސްއެއް. އެއްވެސް ކަމެއް ކުރާ ތަނެއް ނުފެނޭ. އެންމެ ފަހުން މި ފެނުނީ ރައީސުލްޖުމްހޫރިއްޔާ، ހަރަދު ކުޑަކުރުމުގެ ގޮތުން ދިވެހިން ފަނާކޮށްލާ ވަރުގެ، މުޅި ދިވެހި އިގްތިސާދު ސުންނާފަތިވެގެންދާ ފަދަ ކަންކަން ކުރީމަ، ތިމަންނާމެން (އެމްޑީޕީއިން) އެއަށް ތާއީދު ކުރަމޭ. އެހެންތާ ވާނީ؟ މީހަކު ގޯހެއް ހަދައިގެން ރައްޔިތުންގެ ތާއީދު ގެއްލޭ ކަމަށް ވާނަމަ، އެ މީހުން [އެމްޑީޕީއިން] ތިބޭނެ އެއަށް ތާއީދު ކުރަން.
ކުރީގެ ރައީސް އަބްދުالله ޔާމީން އަބްދުލްޤައްޔޫމް
ރައީސް ޔާމީން މިހެން ވިދާޅުވެފައި ވާއިރު، އެމްޑީޕީން ދާދިފަހުން ވަނީ އިގުތިސާދު ރަނގަޅު ކުރުމަށް ސަރުކާރުން މަޖިލީހަށް ވައްދާ މައިގަނޑު ތިން ބިލަކަށް ތާއީދުކޮށް ވާހަކަދައްކާފައެވެ.
Advertisement
This content is created and paid for by advertisers and does not involve Voice Journalists
