އެމްޑީޕީގެ އެތެރޭގައި އުފެދުނު ދެބައިވުންތަކާއެކު، ޕާޓީ ދެކަފިވެ، ޕާޓީން ވަކިވި މެންބަރުން އިސްވެ އުފެއްދި ދަ ޑިމޮކްރެޓްސް އަށް އަހަރު ފުރުމާއި ގުޅިގެން ތަހުނިޔާ ވިދާޅުވެ، އެމްޑީޕީގެ ޗެއާޕާސަން ފައްޔާޒު އިސްމާޢީލް ކުރެއްވި އެކްސްގައި ކުރެއްވި ޕޯސްޓް ޑިލީޓް ކޮށްލައިފިއެވެ.
ޑިމޮކްރެޓްސްގެ ލީޑަރުންނާއި މެންބަރުންނަށް ތަހުނިޔާ ފޮނުއްވައި ފައްޔާޒު އެކްސްގައި ޕޯސްޓެއް ކުރެއްވީ މިއަދު މެންދުރު 11:38 ގައެވެ. އެ ޕޯސްޓްގައި އޭނާ ވަނީ ކުރީގެ ރައީސް، މުހައްމަދު ނަޝީދާއި، އެމްޑީޕީގެ ކުރީގެ ޗެއާޕާސަން ހަސަން ލަތީފް ވެސް ޓެގް ކުރައްވާފައެވެ.
ނަމަވެސް، މިހާރު އޭނާ ވަނީ އެ ޕޯސްޓް ޑިލީޓް ކޮށްލާފައެވެ. ޕޯސްޓް ޑިލީޓް ކުރެއްވި ވަކި ސަބަބެއް ހާމައެއް ނުކުރައްވައެވެ.
އެމްޑީޕީގެ ނިމިދިޔަ ވެރިކަމުގައި އެ ޕާޓީގެ ކުރީގެ ރައީސް ނަޝީދާއި، ކުރީގެ ރައީސް އިބްރާހިމް މުހައްމަދު ޞާލިހަށް ތާއީދު ކުރައްވާ މެންބަރުންގެ މެދުގަައި ޚިޔާލު ތަފާތުވުންތައް އުފެދި، ޕާޓީގެ ރިޔާސީ ޕްރައިމަރީއަށްފަހު، ފިކުރެއްގެ ދިރުން ނަމުގައި ޕާޓީގެ އެތެރޭގައި ގޮތްޕެއް އުފެދުނެވެ. އެ ގޮފީގައި ތިއްބެވީ ރައީސް ނަޝީދާއި އެމަނިކުފާނަށް ތާއިދު ކުރެއްވި މެންބަރުންނެވެ.
އެފަހުން، އެމެންބަރުން ޕާޓީން ވަކިވެ، ޑިމޮކްރެޓްސްގެ ނަމުގައި އައު ޕާޓީއެއް އުފައްދާފައި ވާއިރު، މިއަދަކީ އެ ޕާޓީ އުދެނުތާ އެއް އަހަރު ފުރޭ ދުވަހެވެ.
Advertisement
This content is created and paid for by advertisers and does not involve Voice Journalists
