ހުޅުމާލޭގައި ދިރިއުޅޭ ފުލުހަކަށާއި އޭނާގެ އާއިލާއަށް ގޭންގަކުން ބިރު ދެއްކި މައްސަލައެއް ފުލުހުން ތަހުގީގުކުރަން ފަށައިފިއެވެ.
އެސިސްޓެންޓް ކޮމިޝަނަރ އޮފް ޕޮލިސް އަޙްމަދު ޝިފާން، އެކްސްގައި މީހަކު ކުރި ޕޯސްޓަކަށް ޖަވާބުދެއްވަމުން ވިދާޅުވީ ފުލުހުންގެ އާއިލާއަށް ބަޔަކު ގެއްލުން ދިން މައްސަލައެއް ހުޅުމާލެ ފުލުހުން ތަހުގީގު ކުރަމުން އަންނަ ކަމަށެވެ.
ފުލުހުން ދިރިއުޅޭ އެޕާޓްމަންޓަށް ބަޔަކު ވަދެ، ކުށުގެ ޢަމަލެއް ހިންގާފައިވާކަމުގެ އެއްވެސް ހެއްކެއް މިހާތަނަށް ނެތް ކަމަށް ޝިފާން ވިދާޅުވިއެވެ.
މި ޕޯސްޓްގައިވާގޮތުން، މަސްތުވާތަކެތީގެ މައްސަލައަކާއި ގުޅިގެން ދައުވާ އުފުލިފައިވާ ގޭންގަކުން ފޮރެންސިކް ފުލުހަކަށް ބްލެކްމެއިލްކޮށް އޭނާގެ ދަރިފުޅުގެ ކުރިމަތީގައި އަނބިމީހާއަށް ވަނީ އަނިޔާކޮށްފައެވެ.
ފުލުހުންނަށް ބިރު ދެއްކުމުގެ މައްސަލަތައް މީގެކުރިން ވެސް ތަހުގީގުކޮށްފައިވާއިރު، މިދިޔަ މަހުގެ ތެރޭގައި ފުލުހުންތަކަކަށް ވަޅިން ބިރު ދެއްކި 3 މީހަކު ހައްޔަރުކުރިކަން ވެސް ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
