ޣައްޒާގައި ހުންނަ އދ ގެ ސްކޫލަކަށް ޔަހޫދީ ފައުޖުން ހަމަލާދީ 16 މީހަކު ޝަހީދުކޮށްލައިފިއެވެ.
ޣައްޒާގެ މެދުތެރޭގައި އޮންނަ ނުސައިރާތުގައި ގައި ހުރި މި އިމާރާތަކީ 7،000 މީހުން ބޯހިޔާވަހިކަން ހޯދަމުންދިޔަ ތަނެއް ކަމަށާއި، މި ހަމަލާގައި ޒަހަމްވި 50 މީހަކު ހޮސްޕިޓަލަށް ގެންދެވުނުކަމަށް ޣައްޒާގެ ހެލްތު މިނިސްޓްރީން ބުނެއެވެ.
އެ ސަރައްހަދުގައި ބޯހިޔާވަހިކަން ހޯދަމުންދިޔަ އަންހެނަކު އޭއެފްޕީ ނިއުސް އޭޖެންސީއަށް މައުލޫމާތު ދެމުން ބުނީ، ޔަހޫދީންގެ ލާއިންސާނީ ހަމަލާތައް އިމާރާތަށް އަމާޒުކުރީ، ކުޑަކުދިންގެ ތަކެއް ޤުރުއާން ކިޔަވަން ތިއްބާ ކަމަށެވެ. އަދި މިއީ އެއްވެސް އިންޒާރަކާއި ނުލައި އެ ސްކޫލަށް ޔަހޫދީން ހަމަލާދިން ހަތަރު ވަނަ ފަހަރުކަމަށް އޭނާ ބުންޏެވެ.
ދާދިފަހުން، ޔަހޫދީން ނުސައިރާތުގައި ހުރި ގެޔަކަށް އަމާޒުކޮށް ދިން ހަމަލާގައި 10 މީހަކު ޝަހީދުކޮށްލިއިރު، އޭގެ ތެރޭގައި 3 ނޫސްވެރިންވެސް ހިމެނެއެވެ.
ޔަހޫދީންގެ މި ހަމަލާތައް ޣައްޒާގެ މުސްލިމުންނަށް އަމާޒުކޮށްފައިވަނީ، ޔަހޫދީންގެ ޣައިރު ގާނޫނީ ދައުލަތް، އިސްރާއީލުން ގަތުލުއާއްމު ހުއްޓާލުމާއި ގުޅޭ މަޝްވަރާތައް މި ހަފްތާގައި ފަށާނެކަމަށް ބުނެފައި އޮއްވައެވެ.
Advertisement
This content is created and paid for by advertisers and does not involve Voice Journalists
