ގަލޮޅު ކަންމަތީ ކައިރީގައި އޮތް ވޭނަކުން އިވުނު އަޑަކީ އެއްޗެެއް ގޮވައިގެން އިވުނު އަޑެއް ނޫންކަމަށް އެމްއެންޑީއެފުން ބުނެފިއެވެ.

އެމްއެންޑީއެފުން ބުނީ އެކަން ކަށަވަރު ކުރެވިފައިވާ ކަމަށާއި، މި ކަން ހިނގާފައިވަނީ ވެހިކަލްގެ ޓެކްނިކަލް މައްސަލައަކުން ކަމަށް ބެލެވޭތީ އެކަން ފުލުހުން ތަހުގީގު ކުރަމުންދާ ކަމަށެވެ.

އެމްއެންޑީއެފްގެ އިތުރުން، ފުލުހުންވެސް ވަނީ މާލޭ ގަލޮޅު ކަންމަތީ ކައިރީގައި އޮތް ވޭނަކުން އިވުނީ ނުރައްކާތެރި ގޮވުމެއް ނޫންކަން ކަށަވަރުކޮށްދީފައެވެ.

Advertisement

މިއަދުގެ މެންދުރުގެ ވަގުތެއްގައި، ރެހެންދި ހިނގުމުގައި އޮތް ވޭނަކުން އެއްޗެއް ގޮވުމާއި ގުޅިގެން، މި ހާދިސާ ހިނގި ސަރަހައްދުގައި ފުލުހުންނާއި ސިފައިންވެސް ވަނީ ހަރަކާތްތެރިވެފައެވެ.

އަދި މި ހާދިސާގައި މީހަކަށް އެއްވެސް އަނިޔާއެއް ލިބުނު ކަމުގެ ރިޕޯޓެއް މިހާތަނަށް ލިބިފައި ނުވާ ކަމަށް އެމްއެންޑީއެފުން ބުނެފައިވާއިރު، ފުލުހުން ބުނީ، ގަލޮޅު ކަންމަތީގައި އޮތް ވޭނެއްގައި ބާރުގަދަ އަޑެއް ގޮވައިގެން އެ ސަރަހައްދުގައި ފުލުހުން ހަރަކާތްތެރިވަމުންދާ ކަަމަށެވެ.

މި ހާދިސާގައި ވޭނަށް ގެއްލުމެއް ނުވާ ކަމަށް އެމްއެންޑީއެފުން ބުނެއެވެ.