އާއިލާ މެންބަރަކަށް ލިބޭ ފުރުސަތަކީ ނާޖާއިޒްގޮތުގައި ހޯދައިދޭނެ ފުރުސަތެއް ނޫންކަމަށް އިސްލާމީ ކަންތައްތަކާ ބެހޭ ވަޒީރު ޑރ.މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމްގެ ފިރިހެން ދަރިފުޅަށް ލައްކައެއްހާ ރުފިޔާގެ މުސާރަ ލިބޭ ވަޒީފާއެއް މެލޭޝިއާގައި ހުންނަ ދިވެހި އެމްބަސީ އިން ހަމަޖެހުފައިވާ ކަމަށާ، އަދި ޝަހީމްގެ ކޮއްކޮއަށް ޓްއަރިޒަމް މިނިސްޓްރީގެ ޑެޕިއުޓީ މިނިސްޓަރުކަން ލިބިފައިވާތީ، އޭނާއަށް އަމާޒުވެފައިވާ ފާޑުކިޔުންތަކަށް ރައްދުދީ އެކްސްގައި ކުރި ޕޯސްޓެއްގައި ވިދާޅުވީ، ދަރިއަކު ނުވަތަ އާއިލާ މެންބަރަކު ކަމުގައި ވީނަމަވެސް، ކިޔަވައިގެން ހުރި ދާއިރާއަކުން ހިދުމަތްކުރަން އެމީހަކަށް ލިބޭ އެއްވެސް ފުރުސަތަކީ ވަޒީރުގެ ބާރާއި ނުފޫޒު ނުވަތަ މަގާމުގެ ބޭނުން ނާޖާއިޒް ގޮތުގައި ހިފައިގެން ހޯދައިދޭނެ ފުރުސަތެއް ނޫންކަމަށެވެ.
“ދައުލަތުގެ މުދަލާއި މަޤާމާއި ފައިސާ ނާޖާއިޒު ގޮތުގައި ބޭނުން ނުކުރާނެކަމުގެ ފުރިހަމަ ޔަޤީންކަން އަރުވަން” ޝަހީމް ވިދާޅުވިއެވެ.
ޝަހީމްގެ ދަރިކަލުން އަބްދުالله މާހިލް ޝަހީމް ތައުލީމް ހާސިލް ކުރެއްވީ މެލޭޝިއާގެ އިސްލާމިކް ޔުނިވަސިޓީންނެވެ.
Advertisement
This content is created and paid for by advertisers and does not involve Voice Journalists
