ދިމާވި ޓެކްނިކަލް މައްސަލައަކާއި ގުޅިގެން ބޭންކް އޮފް މޯލްޑިވްސް (ބީއެމްއެލް)ގެ ކާޑުގެ ހިދުމަތްތަކަށް ބުރޫ އަރައިފިއެވެ.
ބީއެމްއެލްއިން އެކްސްގައި ކުރި ޕޯސްޓެއްގައި ބުނީ، ޕޭމަންޓު ގޭޓްވޭއިންނާއި ޕީއޯއެސް މެޝިންތަކާއި އޭޓީއެމްއިން ދޭ ކާޑުގެ ހިދުމަތްތަކަށް ބުރޫއަރާފައިވާ ކަމަށެވެ.
މި މައްސަލަ ވީހާވެސް އަވަހަކަށް ހައްލުކުރުމަށް ބޭންކުން މަސައްކަތްކުރަމުންދާ ކަމަށާއި، މިކަމުގެ ބަބުން ކަސްޓަމަރުންނަށް ދިމާވާ ދަތިތަކަށް ބޭންކުން މަޢާފަށް އެދޭކަމަށް އެ ޕޯސްޓްގައި ބުނެއެވެ.
މި މައްސަލަ ހައްލުވާނެ ވަކި ގަޑިއެއް ބަޔާންކޮށްފައި ނެތް ނަމަވެސް، ބީއެމްއެލްއިން ޚިދުމަތްތައް އަޕްގްރޭޑުކުރުމުގެ މަސައްކަތުގެ ތެރެއިން ބައެއް ފަހަރު އެ ބޭންކުގެ ޚިދުމަތްތަކަށް ބުރޫއަރާއިރު، ބޭންކުން ގިނަ އިރުތަކެއްނުވެ އެ މައްސަލަ ހައްލުކުރެއެވެ.
Advertisement
This content is created and paid for by advertisers and does not involve Voice Journalists
