ބިރިޔާނީ އަކީވެސް ތަފާތު ގޮތް ގޮތަށް ތައްޔާރު ކުރެވޭ އެއްޗެކެވެ. ބައެއް ފަހަރު އެ ކެއްކޭ ގޮތަކުން ވަރަށް މީރުކޮށްވެސް ކެއްކި ދާނެއެވެ. އަނެއްބައި ފަހަރު ވަރަށް ނުބައިވެސް ވެއެވެ. އެހެންކަމުން، ބިރިޔާނީވެސް މީރުކޮށް ކައްކާނެ ގޮތުގެ ރަނގަޅު ފޯމިޔުލާއެއް ބޭނުންވާއިރު، މިފަހަރު ‘ވޮއިސް’ގެ ބަދިގެއިން މި ގެނެސްދެނީ އެ ފޯމިޔުލާ ނުވަތަ އެ ޚާއްސަ ރެސިޕީއެވެ.  

1 ލާހި ބާސްމަތީ ހަނޑޫ

3 ބޭލީފް

3 ކަރަންފޫ

3 ކާފޫރު ތޮޅި

2 އިންޗި ފޮނިތޮށި

ފެން

ރަހަލާވަރަށް ލޮނު

ތެޔޮ

ހަނޑޫ ދޮވެލުމަށްފަހު، ބަތް ކައްކާ ތެއްޔަށް އަޅާލައި، އެއަށް ފެން އަޅާލާށެވެ. ފެން އަޅާނީ ހަނޑޫތަކުގެ މައްޗަށް، ގާތްގަނޑަކަށް ތިން އިންޗި ހުންނަ ވަރަށެވެ. 

ދެން ލޮނާއި، ކުޑަ ތެޔޮ ފޮދަކާއި ދެންވެސް ހުރި ހުރިހާ އެއްޗެއް އަޅާލުމަށްފަހު ބަތް ކައްކާލާށެވެ. ބަތް ކެކުމުން، ފެންގަނޑު ރަނގަޅަށް ނުހިނދުނު ކަމުގައި ވިޔަސް ކޫކަރުގެ ތެރެއިން ތެލި ނަގައި، ތޮރުފި ތައްޓަކަށް ބަތްއެތި ލުހެލާށެވެ. 

1 ކިލޯ ކުކުޅު (ހަން ނޮޅައި ރީތިކޮށް ކޮށާފައި) 

އިނގުރު ލޮނުމެދު ޕޭސްޓް

5 ބޮޑު ފިޔާ (ތުނިކޮށް ކޮށާފައި) 

ހިކަނދިފަތް

ރާނބާފަތް

1 މޭޒުމަތީ ސަމުސާ ޓޮމާޓޯ ޕޭސްޓް

2 މޭޒުމަތީ ސަމުސާ ކުކުޅު ހަވާދު

3 މޭޒުމަތީ ސަމުސާ ބިރިޔާނީ މަސާލާ

1 ޕްލެއިން ޔޯގަޓް

1 ސައިސަމުސާ ދިރި

ދެއިނގިލިން ހިފާލެވޭވަރު ސެފްރޮން ކޮޅެއް

ކޮރެއަންޑާ ފަތް ކޮޅެއް

1/3 ސައި ސަމުސާ މުގުރި ކާފޫރު ތޮޅި

1/3 ސައި ސަމުސާ މުގުރި ފޮނިތޮށި 

1/3 ސައި ސަމުސާ ހަކުރު

1 1/2 ޖޯޑު ކެއްކި ފެން

2 ފޮތި އަލަނާސި ( ކުދިކޮށް ކޮށާފައި) 

1 ޖޯޑު ކަނަމަދު

1 ޖޯޑު ކެޝޫ ނަޓް

1 ޖޯޑު ހިކި މޭބިސްކަދުރު

ގިތެޔޮ މިރުސް

ރޯސް ވޯޓަރ

ލޮނު

ތެޔޮ

5 ބިސް (ކައްކައި މެދުން ފަޅާފައި)

1) 1 ސައިސަމުސާ ލޮނުމެދު/އިނގުރު ޕޭސްޓް އަދި 3/4 ސައިސަމުސާ ލޮނު ކޮޅެއް އަޅާލުމަށްފަހު 30 މިނެޓް ވަންދެން ކުކުޅުކޮޅު މެރިނޭޓް ކޮށްލާށެވެ. އެއަށްފަހު ކުކުޅު ކޮޅު ރޯ ފިލަންދެން ތެލުލާލާށެވެ. 

2) ދެން ފިޔާކޮޅާއި 1 ސައި ސަމުސާ ލޮނުމެދު/އިނގުރު ޕޭސްޓް، ހިކަނދިފަތް، ރާނބާފަތް ތެޔޮ ފޮދެއްގައި މީރުކޮށްލާށެވެ. 

3) އެއަށްފަހު، ޓޮމާޓޯ ޕޭސްޓް، ކުކުޅު ހަވާދު، ބިރިޔާނީ މަސާލާ، ޓޮމާޓޯ ސޯސް ތިން.  K ކޮރެއަންޑާ ފަތްކޮޅެއް، ގިތެޔޮ މިރުސް އަޅާލުމަށްފަހު ފްރައި ކޮށްލާށެވެ. ދެން ހޫނުފެންފޮދު އަޅާލުމަށްރަނގަޅަށް ކައްކާލާށެވެ. 

4) ދެން ޔޯގަޓް، ހަކުރު ކޮޅު، ލޮނު، މުގުރި ކާފޫރު ތޮޅި، މުގުރި ފޮނި ތޮށި، އަޅާލުމަށްފަހު އެކުލަވާލާށެވެ. މާ ހިކި ނަމަ އިތުރު ހޫނުފެން ފޮދެއް އަޅާލާށެވެ.

5) ލޮނު ހެޔޮވަރު ކުރުމަށްފަހު ކުކުޅު ކޮޅު އަޅާލައި އިރުކޮޅަކު ކައްކާލާށެވެ. މާ ހިކިވާނަމަ އިތުރު ފެން ފޮދެއް އަޅާލާށެވެ. 

6) ދެން ވަކި ތެޔޮ ފޮދެއްގައި، ފިޔާ، ކަނަމަދު، ކެޝޫނަޓް އަދި ހިކި މޭބިސްކަދުރު ތެލުލާލާށެވެ. އެ އެއްޗެހި ތައްޓަކަށްއަޅާލައި، އެއަށް ދެ އިނގިލީން ހިފޭވަރުގެ މުގުރި ފޮނިތޮށި އަދި މުގުރު ކާފޫރު އަޅާލައި، ރޯސް ވޯޓަރ ވެސް ބުރުވާލުމަށްފަހު، ތެލުލި އެތިކޮޅު އަތުން އެކުލަވާލާށެވެ. 

7) ދެން ތެއްޔެއްގައި ލެޔާސްއަށް އަތުރަން ފަށާށެވެ. އެންމެ ތިރީގައި ބަތް، އޭގެ މަތީ އަލަނާސި ކޮޅެއް، ބެހެއްޓުމަށްފަހު ރޯސް ވޯޓާކޮޅެއް ބުރުވާލުމަށްފަހު، ކުކުޅު ލޭޔާއެއް، ދެން އޭގެ މަތީގައި ބިސް ލެޔާއެއް، އެއަށްފަހު ތެލުލި ފިޔާއާއި ނަޓްސް ލެޔާއެެއް ހަދާލާށެވެ. މިގޮތަށް އިތުރު ލެޔަރ އެއް ހަދާލުމަށްފަހު މައްޗަށް ކޮރެއަންޑާ ފަތް ކޮޅެއް އަޅާލާށެވެ. ދެން މަތި ޖަހައިގެން މަޑު ގިނީގައި ތިން މިނެޓް ވަންދެން ކައްކާލާށެވެ. 

ބިރިޔާނީ އެހުރީ ތައްޔާރު ވެފައެވެ.