މާލޭ އަމީނީ މަގުގައި ހުންނަ ކޭއެފްސީގެ ބިއްލޫރިގަނޑު ތަޅާލި މައްސަލައިގައި ހައްޔަރުކުރި މީހާގެ ބަންދަށް 30 ދުވަސް ޖަހައިފިއެވެ.

މިދިޔަ ހަފުތާގެ އަންގާރަ ދުވަހުގެ ރޭ ހިނގި މިހާދިސާއާއި ގުޅިގެން ކޯޓު އަމުރެއްގެ ދަށުން ފުލުހުން ވަނީ އުމުރުން 48 އަހަރުގެ ފިރިހެނެއް ހައްޔަރުކޮށްފައެވެ. އޭނާ ބަންދާ މެދު ގޮތެއް ނިންމަން ހާޒިރުކުރުމުން ކޯޓުން 30 ދުވަހުގެ ބަންދު އަމުރެއް ދީފައިވާކަމަށް ފުލުހުން ބުނެއެވެ.

މިމަހުގެ 20 ވަނަ ދުވަހުގެ ރޭ 4:32 ހާއިރު މާލޭ އަމީނީ މަގުގައި ހުންނަ ކޭއެފްސީގެ ބިއްލޫރިގަނޑު ގާބުރިއަކުން ޖަހާ ތަޅާލާފައިވާ މައްސަލަ ފުލުހުންނަށް ރިޕޯޓްކޮށްފައިވާއިރު، މި  ހާދިސާއާ ގުޅިގެން އަދި އެއްވެސް މީހަކު ހައްޔަރުކޮށްފައި ނުވާކަމަށް ފުލުހުން ބުނެފައިވެއެވެ.

Advertisement

ހައްދުފަހަނައަޅާފައިވާ ޔަހޫދީން ޣައްޒާގެ މުސްލިމުންނާއި ދެކޮޅަށް ހިންގަމުން އަންނަ ގަތުލުއާއްމާއި ގުޅިގެން އިސްރާއީލަށް އެހީދޭ ވިޔަފާރިތައް ބޯއިކޮޓް ކުރުމަށް ގޮވާލާ އަޑުތައް ރާއްޖޭގައި ގަދަވެފައިވާއިރު، ކޭއެފްސީ އަކީވެސް އެފަދަ ވިޔަފާރިއަކަށްވާތީ އެތަން ބޯއިކޮޓް ކުރުމަށް ގޮވާލައި އެތަނުގެ ބޭރުގައި ސިލްސިލާކޮށް ބައެއް ފަރާތްތަކުން މުޒާހަރާ ކުރަމުން އަންނަކަން ފާހަގަކޮށްލަންޖެހެއެވެ.