މިއަހަރުގެ މިހާތަނަށް، ސަޢޫދީ ޢަރަބިއްޔާގައި, މަސްތުވާތަކެތީގެ ވިޔަފާރިކުރި ޕާކިސްތާނުގެ 7 މީހަކު ދަން ޖައްސާފައިވާކަމަށް ތަފާސް ހިސާބުތަކުން ދައްކައިފިއެވެ.
ބޭރުގެ ނޫސްތަކުން އޭއެފްޕީގެ ތަފާސް ހިސާބުތަކާއި ހަވާލާދީ ރިޕޯޓް ކޮށްފައިވާ ގޮތުން، މަސްތުވާތަކެތި ވިޔަފާރިކުރުމުގެ ކުށް ސާބިތުވެފައިވާ ދެމީހަކު ދާދިފަހުންވަނީ ސައުދީގައި ދަންޖައްސާފައެވެ. އޭގެ ތެރެއިން އެކަކީ ސައުދީ އަރަބިއްޔާއަށް ނިސްބަތްވާ މީހެއް ކަމަށްވާއިރު އަނެކަކީ ޕާކިސްތާނު ރައްޔިތެއް ކަމަށް އޭއެފްޕީގެ ރިޕޯޓް ތަކުން އެނގެއެވެ.
އެފްޕީއިން ހޯދާފައިވާ ހިސާބުތަކަށް ބަލާއިރު، މިއަހަރު މިހާތަނަށް، ސައުދޫ އަރަބިއްޔާގައި، އެކި ކުށްތައް ސާބިތުވެގެން ދަން ޖައްސާފައިވާ މީހުންގެ އަދަދު މަދުވެގެން 106 އަށް އަރައެވެ.
ސަޢޫދީ ސަރުކާރުން، މަސްތުވާތަކެއްޗާ ގުޅުންހުރި ކުށްތަކަށް މަރުގެ ހުކުމް ތަންފީޒުކުރަން އަލުން ފަށާފައިވަނީ 2022 ވަނަ އަހަރުގެ ފަހުކޮޅުގައެވެ. އޭގެ ކުރިން ގާތްގަނޑަކަށް ތިން އަހަރު ވަންދެން މިފަދަ ކުށްތަކަށް މަރުގެ ހުކުމް ތަންފީޒުކުރުން ހުއްޓާލާފައި އޮތެވެ.
އެފްޕީގެ ހިސާބުތަކަށް ބަލާއިރު، މިއަހަރު ސައުދީގައި ދަންޖައްސާފައިވާ 106 ތެރެއިން މަސްތުވާތަކެއްޗާ ގުޅުންހުރި ކުށްތަކަށް ސާބިތުވެފައިވާ ޕާކިސްތާނުގެ 7 ރައްޔިތުން ހިމެނެއެވެ.
2023 ވަނަ އަހަރު، ސައުދީ ސަރުކާރުން މަދުވެގެން 170 މީހުންނަށް މަރުގެ އަދަބު ތަންފީޒުކޮށްފައުވާއިރު، އޭގެ ތެރޭގައި ޓެރަރިޒަމްއާ ގުޅުންހުރި ކުށްތަކުގެ ތުހުމަތުގައި އެ އަދަބު ދެވުނު 33 މީހުން ހިމެނެއެވެ.
Advertisement
This content is created and paid for by advertisers and does not involve Voice Journalists
