ދުންފަތް ނުވަތަ ނިކޮޓިން އެކުލެވޭ ބާވަތްތަކާއި އެތަކެތި ބުއިމަށް ބޭނުންކުރާ އަލާތްތަކުން ޑިއުޓީ އިނާޔަތްދިނުން ހުއްޓާލުމަށް ނިންމު މުއްދަތު މިއަހަރުގެ ނޮވެމްބަރު 1 އަށް ފަސްކޮށްފިއެވެ.
މިކަން ހާމަކޮށްފައިވަނީ މޯލްޑިވްސް ކަސްޓަމްސް ސާވިސަސް އިން އެކްސް ގައި ކުރި ޕޯސްޓެއްގައެވެ.
ކަސްޓަމްސް އިން ގަވައިދަށް ގެނައި އިސްލާހުގެ ދަށުން ދުންފަތުގެ ބާވަތްތަކާއި އާލާތްތަކަށް އިނާޔަތް ދިނުން ހުއްޓާލުމަށް ނިންމާފައިވާއިރު، މި އިސްލާހުގެ ތެރޭގައި ރާއްޖެ އެތެރެކުރާ ބައެއް ތަކެތިން އިނާޔަތް އެއްކޮށް ކަނޑާލާ ބާވަތްތަކުގެ ތެރޭގައި ދުންފަތުގެ ބާވަތްތަކާއި ވޭޕްކުރަން ގެންގުޅޭ ސާމާނާއި އެނާޖީ ޑްރިންކާއި އެއްގަމު އުޅަނދުފަހަރު ހިމެނެއެވެ.
މި އުސޫލުގެ ދަށުން ގެނެސްފައިވާ އެހެނިހެން އިސްލާހުތަކަށް މިއަދު އަމަލު ކުރަން ވަނީ ފަށާފައިވާއިރު، ދަތުރުވެރިން ރާއްޖެ އަަންނައިރު ގެންނަ ތަކެއްޗާއި އަމިއްލަ ފަރާތްތަކުގެ ކުދިކުދި ބޭނުންތަކަށް ގެންނަ ތަކެތިން ޑިއުޓީ މައާފްވާ މިންވަރު 10،000 ރުފިޔާއަށް ބޮޑު ކޮށްފައިވާކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
