ބޭންކް އޮފް މޯލްޑިވްސް (ބީއެމްއެލް) އިން ދެމުން އަންނަ ހިދުމަތްތަކުގެ ތެރެއިން ޕޭރޯލް ހިދުމަތާއި، ބަލްކް ޓްރާންސްފާގެ ހިދުމަތް ވަގުތީގޮތުން މެދުކަނޑާލައިފިއެވެ.

މިކަމާ ގުޅޭގޮތުން ދިވެހިންގެ ޤައުމީ ބޭންކުން ނެރެފައިވާ އާއްމު ބަޔާނެއްގައި ބުނެފައިވަނީ، އެ ބޭންކުން ދެމުން އަންނަ ޕޭރޯލް ހިދުމަތާއި ބަލްކް ޓްރާންސްފާގެ ހިދުމަތް މިއަދުން ފެށިގެން ވަގުތީގޮތުން މެދުކަނޑާލާފައިވާކަމަށެވެ. މީގެ އިތުރުން އިންޓަރނެޓް ބޭންކިން އަދި އިސްލާމިކް ބޭންކް މެދުވެރިކޮށް ދެމުން އައި ފަވާރާގެ ހިދުމަތްވެސް ވަގުތީގޮތުން ހުއްޓާލާފައިވާކަމަށް ބީއެމްއެލުން ވަނީ ބުނެފައެވެ.

ބީއެމްއެލުން ބުނީ އިންޓަރނެޓް މެދުވެރިކޮށް ދެމުން އައި މި ހިދުމަތްތައް ވަގުތީގޮތުން ހުއްޓާލި ނަމަވެސް އީމެދިލް މެދުވެރިކޮށް އެދުމުން ޕޭރޯލް ހިދުމަތާއި ބަލްކް ޓްރާންސްފާގެ ހިދުމަތް ދެމުންދާނޭ ކަމަށެވެ.

Advertisement

ބީއެމްއެލުން އެކްސްގައި ކުރި ޕޯސްޓް

ޤައުމީ ބޭންކުން ދެމުން އައި މުހިއްމު ދެ ހިދުމަތެއް ވަގުތީގޮތުން ހުއްޓާލާފައިވާއިރު، ޓެކްނިކަލީ މީގެ ކުރިން ބީއެމްއެލަށް ދިމާނުވާ މައްސަލަތަކެއް މިފަހުން ވަނީ ދިމާވެފައެވެ. މީގެ ތެރޭގައި ބައެއް އެކައުންޓްތަކަށް ބިލިއަނުން ފައިސާ ޖަމާވި މައްސަލަ ފާހަގަކޮށްލެވެއެވެ. 

ބީއެމްއެލުން ބުނެފައިވަނީ ބައެއް އެކައުންޓުތަކަށް ބިލިއަނުން ފައިސާ ޖަމާވެފައިވަނީ، ޓެކްނިކަލް މައްސަލައަކުން ނޫންކަމަށާއި، އެހެން ކަންތައް ދިމާވީ މުއައްޒަފެއްގެ މައްސަލައަކުން ކަމަށެވެ.