އެލޯ ވެރާ އަކީ ހަންގަނޑަށް ފަރުވާ ދިނުމަށް މަގުބޫލު ގުދުރަތީ ފަރުވާއެކެވެ. އެއީ ފިނިކޮށްދޭ، ތެތްކޮށްދޭ، އަދި ޝިފާ ލިބޭ މާއްދާއެއްގެ ގޮތުގައިވެސް މަޝްހޫރު އެއްޗެކެވެ. އެހެންކަމުން ހަންގަނޑު ރީތި ކުރުމަށް އެލޯވެރާ ފަތް ބޭނުންކުރާނެ ގޮތްތަކާއި އެއިން ހަންގަނޑަށް ވާނެ ފައިދާތަކަށް މި އާޓިކަލްގައި އަލިއަޅުވާލާނަމެވެ.  

ފުރަތަމަ ކަމަކަށް އެލޯވެރާ ގަހުގެ އެންމެ ބޭރަށްވާ ގޮތަށް ހުރި ފަތުގެ ބުޑާއި ކައިރިން ފަތް ކަނޑާލާށެވެ. ދެން ކަނޑާފައިވާ ފަތް ކޮޅަށްވާ ގޮތަށް އެއްޗެއްގެ ތެރެއަށް ލައި، ގާތްގަނޑަކަށް 10-15 މިނެޓް ވަންދެން ބަހައްޓާލާށެވެ. މިގޮތަށް ކަން ކުރުމުން ފަތުގެ ރީނދޫ ރެސިން (އެލޯއިން) ފައިބައިގެން ދާނެއެވެ.

ދެން ފަތް ރަނގަޅަށް ދޮވެލުމަށްފަހު، އަރިމަތީގައި ހުރި ކަށިތައް ނަގާލުމަށްފަހު ފަތް ދިގުމިނަށް ކަފައި ހުޅުވާލާށެވެ. އަދި ސަމުސަލަކުން ސާފު އެލޯވެރާ ޖެލް ނަގާލާށެވެ. 

ބޭނުންކުރާނެ ގޮތްތައް

ހަމައެކަނި ޖެލް ބޭނުން ކުރުން

ތާޒާކޮށް ނެގި ޖެލް ސީދާ މޫނާއި ހަންގަނޑުގައި އުނގުޅާށެވެ. ގާތްގަނޑަކަށް 20 މިނެޓް ވަންދެން ބެހެއްޓުމަށްފަހު ތާފަނާ ފެނުން ދޮވެލާށެވެ. މިއީ ހަންގަނޑު ތެތްކޮށް ލުއިކޮށްދިނުމަށް އެހީތެރިވެދޭ ކަމެކެވެ.

އެލޯ ވެރާ ފޭސް މާސްކް

އެލޯ ވެރާ އަދި ހަނީ މާސްކް: 2 މޭޒުމަތީ ސަމުސާ އެލޯ ވެރާ ޖެލް އާއި 1 މޭޒުމަތީ ސަމުސާ މާމުއި އެއްކޮށްލާށެވެ. މި މިކްސްޗަރ މޫނުގައި އުނގުޅާލުމަށްފަހު 20 މިނެޓް ވަންދެން ބެހެއްޓުމަށްފަހު ދޮވެލާށެވެ. މި މާސްކަކީ ހައިޑްރޭޝަން އާއި އެންޓިބެކްޓީރިއަލް ފައިދާތަކަށް ވަރަށް ރަނގަޅު މާސްކެކެވެ.

އެލޯ ވެރާ އަދި ލެމަން ޖޫސް މާސްކް: 2 މޭޒުމަތީ ސަމުސާ އެލޯ ވެރާ ޖެލް އާއި 1 ސައިސަމުސާ ލުނބޯ ޖޫސް އެއްކޮށްލާށެވެ. މޫނުގައި އުނގުޅާލުމަށްފަހު 10 މިނެޓް ވަންދެން ބެހެއްޓުމަށްފަހު ދޮވެލާށެވެ. މި މާސްކަކީ ހަންގަނޑު އުޖާލާކޮށްދީ ކަޅު ކުލަތައް މަދުކުރުމަށް އެހީތެރިވެދޭ މާސްކެކެވެ.

އެލޯ ވެރާ އާއި ކަދުރު މާސްކް: 2 މޭޒުމަތީ ސަމުސާ އެލޯ ވެރާ ޖެލް އާއި ކަދުރު ޕައުޑަރެއް އެއްކޮށްލާށެވެ. މޫނުގައި އުނގުޅާލުމަށްފަހު 15 މިނެޓް ވަންދެން ބެހެއްޓުމަށްފަހު ދޮވެލާށެވެ. މި މާސްކަކީ ހަންގަނޑުގެ ދުޅަހެޔޮކަމާއި، ހަމުގެ ކުލަ އީވަން ކުރުމަށް ފައިދާހުރި މާސްކެކެވެ.

 3. މޮއިސްޗަރައިޒާއެއްގެ ގޮތުގައި އެލޯ ވެރާ

ޑެއިލީ މޮއިސްޗަރައިޒާ: ޑެއިލީ މޮއިސްޗަރައިޒާއެއްގެ ގޮތުގައި އެލޯ ވެރާ ޖެލް ބޭނުން ކުރާށެވެ. އެގޮތުން، ސާފުކުރުމަށްފަހު މޫނުގައި ތުނި ފަށަލައެއް އުނގުޅާށެވެ. އެއީ ހަންގަނޑު ހައިޑްރޭޓްކޮށް ބެހެއްޓުމަށް އެހީތެރިވެދޭ އެއްޗެކެވެ.

- އަވިއަށްފަހު ފަރުވާ: އެލޯ ވެރާ ޖެލަކީ އަވިން ފިހިފައިވާ ތަންތަން ފިލުވައިދިނުމަށް ވަރަށް މޮޅު އެއްޗެކެވެ. ރަތްވުން ކުޑަވެ، ރަނގަޅުވުމަށް މަގުފަހިކޮށްދިނުމަށްޓަކައި ރޭޝް ވެފައި ހުންނަ ތަންތަނުގައި  އުނގުޅާށެވެ.

4.  އެކްސްފޯލިއޭޝަން

އެލޯ ވެރާ އަފި ހަކުރު ސްކްރަބް: 2 މޭޒުމަތީ ސަމުސާ އެލޯ ވެރާ ޖެލް އާއި 1 މޭޒުމަތީ ސަމުސާ ބްރައުން ޝުގާ އެއްކޮށްލާށެވެ. މި މިކްސްޗަރ މަޑުމަޑުން މޫނަށް ވަށައިގެން މަސާޖު ކުރާށެވެ. ދެން ތާފަނާ ފެނުން ދޮވެލާށެވެ. މި ސްކްރަބަކީ ހަމުގެ މަރުވެފައިވާ ސެލްތައް ނައްތާލައި، އޮމާން ކޮށްދިނުމަށް އެހީތެރިވެދޭ އެއްޗެކެވެ.

އެންޓި-އޭޖިންގ އަށް އެލޯ ވެރާ

އެލޯ ވެރާ އާއި ވިޓަމިން އީ: ވިޓަމިން އީ ކެޕްސޫލް އެތެރޭ ހިމެނޭ ބަޔާއި 2 މޭޒުމަތީ ސަމުސާ އެލޯ ވެރާ ޖެލް އެއްކޮށްލާށެވެ. މޫނުގައި އުނގުޅާލުމަށްފަހު 20 މިނެޓް ވަންދެން ބެހެއްޓުމަށްފަހު ދޮވެލާށެވެ. މިއީ ހަމުގެ ރޫ މަދުކޮށް އޮމާންކުރުމަށް އެހީތެރިވެދޭ އެއްޗެކެވެ.

މިހުރިހާ ކަމަކުންވެސް، އެންމެ ރަނގަޅު ނަތީޖާ ހޯދުމަށްޓަކައި ސްކިންކެއާ ރޫޓިންގެ ތެރެއިން ގަވާއިދުން އެލޯވެރާ ބޭނުން ކުރާށެވެ.