ވަޒީރު ޝަހީމްގެ ޕީއެޗްޑީ އާާ މެދު ސުވާލުއުފެއްދުމުގެ އެއްވެސް ޖާގައެއް ނެތްކަމަށް ޑރ.އަލީ ޒާހިރު ބިން ސައީދު ގާސިމް ވިދާޅުވެއްޖެއެވެ.

ޑރ.އަލީ ޒާހިރު މިފަދައިން ވިދާޅުވީ، ކާކުކަން ނޭނގޭގޮތަށް އެކްސްގައި ހަސަން ކުރުސީ ކިޔާ އެކައުންޓަކުން ވަޒީރު ޝަހީމްގެ އަބުރާއި އިއްޒަތް ގެއްލޭ ގޮތަށް ފުލު ފުލުގައި ޕޯސްޓްކުރަމުންދާ ދަނޑިވަޅެއްގައި އެވެ.

އެ އެކައުންޓުން ވަނީ ވަޒީރު ޝަހީމްގެ ޕީއެޗްޑީއާއި މެދު ސުވާލު އުފައްދަވައި، އެބޭފުޅާ ކަމަށް ތުހުމަތުކޮށް ބަދުއަހްލާގީ މަންޒަރުތަކެއް ފެންނަ ވީޑިއޯއެއްވެސް އާންމުކޮށްފަ އެވެ.

Advertisement

އެކަމާއި ގުޅިގެން ޑރ.އަލީ ޒާހިރު އެކްސްގައި ކުރެއްވި ޕޯސްޓެއްގައި ވިދާޅުވީ، އިންޓަނޭޝަނަލް އިސްލާމިކް ޔުނިވަރސިޓީ މެލޭޝިޔާ އިން ޕީއެޗްޑީ ދޫކުރަނީ އިލްމީ ގޮތުން ކަށަވަރު ކުރަންޖެހޭ ހުރިހާ ކަމެއް ކަށަވަރު ކުރުމަށްފަހު އެފެންވަރު ހުރުމުން ކަމަށެވެ. އަދި ޑރ. ޝަހީމުގެ މަސައްކަތުގައި ބަރަކާތް ލެއްވުމަށް އެދި  ޑރ.އަލީ ޒާހިރު ވަނީ ދުޢާ ކުރައްވާފައެވެ.

މިކަމާއި ގުޅިގެން ޑރ.އަލީ ޒާހިރުގެ އިތުރުން، ސަރުކާރުގެ އިސް ބޭފުޅުންވެސް ވަޒީރު ޝަހީމްގެ ދިފާއުގައި ވާހަކަދައްކަވާފައިވާކަން ފާހަގަކޮށްލަން ޖެހެއެވެ.