ރާއްޖޭގެ ހުރިހާ ސަރަހެއްދެއްގައި ފަތުރުވެރިކަން ކުރިއެރުވުމަށް ކޮންމެ އަތޮޅަކަށް މާސްޓަރ ޕްލޭނެއް އެކުލަވާލުމުގެ މަސައްކަތް ފަށާފައިވާ ކަމަށް ފަތުރުވެރިކަމާ ބެހޭ ވުޒާރާގެ ވަޒީރު އިބްރާޙީމް ފައިސަލް ވިދާޅުވެއްޖެއެވެ.

އެމްއެމްޕީއާރްސީއާއި ފަތުރުވެރިކަމާ ބެހޭ ވުޒާރާ ގުޅިގެން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ވަޒީރު ފައިޞަލް ވިދާޅުވީ، ރާއްޖޭގައި މިވަގުތު ހިންގާމުންދާ ގެސްޓް ހައުސް ތަކުގައި އެކަނިވެސް ގާތް ގަނޑަކަށް 16،000 އެނދުގެ ކެޕޭސިޓީއެއް ހުރި ކަމަށެވެ. 

ަމީގެ އިތުރުން ރަށް ރަށުގައިވެސް ގެސްޓް ހައުސް ތަކުގެ އެނދުގެ އަދަދު އިތުރު ކުރާނެ މިންވަރާއި، ލިމިޓް ކުރާނެ މިންވަރުވެސް އެ މާސްޓަރ ޕްލޭންގެ ދަށުން ކަނޑައެޅިގެންދާނެ ކަމަށް ވަޒީރު ވިދާޅުވިއެވެ. 

އަދި ރާއްޖޭގެ ކޮންމެ އަތޮޅެއްގައުވެސް އެ އަތޮޅެއްގައި ހިމެނޭ ގެސްޓް ހައުސްތައް ޕްރޮމޯޓް ކުރުމަށް، އެމްއެމްޕީއާރްސީގެ ބަޖެޓްގެ ތެރެއިން ގެސްޓް ކަންކަން ހަމަޖެހިގެންދާނެ ކަމަށް ވަޒީރު ވިދާޅުވިއެވެ. 

މީގެ އިތުރުން، މިއަދުގެ ނޫސްވެރިންގެ ބައްދަކުވުމުގައި ވަޒީރު ފައިސަލް ވަނީ އައު ގެސްޓް ހައުސްތައް އަޅަން ބޭނުންވާ ފަރާތްތަކަށް އެކަމުގެ މަގު ފަހި ކޮށްދިނުމަށް، ލޯން ލިބޭނެ އިންތިޒާމް ހަމަޖެއްސުމަށް ބީއެމްއެލްއާއއި ގުޅިގެން މަޝްވަރާ ކުރައްވަމުންދާކަންވެސް ފާހަގަކުރައްވާފައެވެ.