މި ލައިމް ޗިކަން އަކީ ވަރަށް ފަސޭހައިން ތައްޔާރު ކޮށްލެވޭނެ ވަރަށް މީރު އެއްޗެކެވެ. ހާއްސަކޮށް ހުކުރު ދުވަހު ތަފާތު ކޮށްލުމަށް މިގޮތަށް ކުކުޅު ހަދާލުމަކީ ކޮންމެހެން ޓްރައި ކުރަންޖެހޭ ކަމެކެވެ. 

4 ކުދި ނުވަތަ މީޑިއަމް ސައިޒުގެ ޗިކަން ބްރެސްޓް

3 މޭޒުމަތީ ސަމުސާ އޮލިވް އޮއިލް

1/4 ޖޯޑު ލުނބޯ ހުތް 

3 ލޮނުމެދު، (ގާނާފައި)

3 މޭޒުމަތީ ސަމުސާ ކޮރިއެންޑާފަތް، (ކުދިކޮށް ކޮށާފައި)

1 ސައިސަމުސާ ލޮނު

1/2 ސައި ސަމުސާ މުގުރި އަސޭމިރުސް

1 ސައި ސަމުސާ މުގުރި ހިކި މިރުސް

1 މޭޒުމަތީ ސަމުސާ މާމުއި

1 ލުނބޯ (ސަރވް ކުރުމަށްޓަކައި)

ބޮޑު ތައްޓެއްގެ ތެރޭގައި އޮލިވް އޮއިލް، ލުނބޯ ހުތް، ލޮނުމެދު، ކޮރެއަންޑާ ފަތް، ލޮނު، އަސޭ މިރުސް، މުގުރި މިރުސް އަދި ލުނބޯ އެއްކޮށްލައިގެން މެރިނޭޓް ތައްޔާރު ކުރާށެވެ.

ދެން އޭގެ ތެރެއަށް ކުކުޅު އެޅުމަށްފަހު 30 މިނެޓު ނުވަތަ 2 ގަޑިއިރު ވަންދެން މެރިނޭޓް ކޮށްލާށެވެ.

އެއަށްފަހު 5-7 މިނެޓް ވަންދެން 200 ޑިގްރީ ސެލްސިއަސް ގައި އަވަން ޕްރީ ހީޓް ކުރުމަށްފަހު، ކުކުޅު އަވަނަށްލައި ފިހެލާށެވެ.

ފިހެ ނިމުމުން ލުނބޯ އާއި ބޭނުންނަމަ އިތުރު ކޮރެއަންޑާ އާއެކު ގާނިޝް ކޮށްލާށެވެ.