ބޭންކުތަކުގެ ބޯޑަށް ސިޔާސީ މީހުން އައްޔަން ކުރެވޭގޮތަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވާއިދު އިސްލާހުކޮށްފިއެވެ.

ކުރިން މި ގަވާއިދުގައި އޮތްގޮތުން ސަރުކާރުގެ ނުވަތަ ސަރުކާރުގެ ޑިޕާޓްމަންޓަކަށް ރައީސުލްޖުމްހޫރިއްޔާ އައްޔަންކުރައްވާފައިވާ މީހެއް ބޭންކްތަކާއި އިންޝުއަރެންސް ކުންފުނިތަކާއި ފައިނޭންސް ކުންފުންޏެއްގެ ބޯޑަށް އައްޔަން ނުކުރެވޭނެއެވެ.

އަލަށް ގެނައި މި އިސްލާހުގައި:

Advertisement

1) ސަރުކާރުގެ މިނިސްޓްރީއެއް ހިންގަވާ އެންމެ އިސް ބޭފުޅަކު ނުވަތަ ކެބިނެޓް މެންބަރަކު މާލީ އިދާރާތަކުގެ ބޯޑަށް އައްޔަން ނުކުރެވޭނެއެވެ.

2) ޤާނޫނަކުން އުފައްދާފައިވާ މުއައްސަސާތަކުގެ ވެރިންނާއި ސިޔާސީ ޕާޓީއެއްގެ އިސް މަޤާމެއްގައި ތިއްބަވާ ބޭފުޅުންވެސް މި ބޯޑުތަކަށް އައްޔަން ނުކުރެވޭނެއެވެ.

މިއީ  އެމްއެމްއޭގެ އައު ގަވަރުނަރު އަޙްމަދު މުނައްވަރު މަޤާމާ ހަވާލުވެވަޑައިގަތުމަށްފަހު، އެމްއެމްއޭ އަކީ ޒަމާނީ ސެންޓްރަލް ބޭންކަކަށް ބަދަލުކުރުމުގެ ބޭނުމުގައި ގެނެސްފައިވާ ބަދަލެކެވެ.

ބޭންކުތަކުގެ ބޯޑަށް މީހުން އައްޔަނުކުރެވޭގޮތަށް އޮތްނަމަވެސް، އެފަދަ މަޤާމުތަކަށް މީހުން އައްޔަނުކުރުމުގައި ތައުލީމީގޮތުންނާއި ތަޖުރިބާއަށް ބެލުމުގެ އުސޫލުތައް އޮންނަކަން ފާހަގަކޮށްލެވެއެވެ.