އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމަނިއަމް ޖައިޝަންކަރު އައްޑޫ ސިޓީއަށް ވަޑައިގެންފިއެވެ.
މިއަދުގެ ހެނދުނުގެ ވަގުތެއްގައި ޖައިޝަންކަރު އައްޑޫ ސިޓީއަށް ވަޑައިގެންނެވުމާއިއެކު، ޚާރިޖީ ވަޒީރު މޫސާ ޒަމީރާއި، އައްޑޫ ސިޓިގެ މޭޔަރު އަލީ ނިޒާރު އަދި އައްޑޫ ގެ ގޮނޑިތައް ތަމްސީލުކުރައްވާ މަޖިލިސް މެމްބަރުން ވަނީ ޖައިޝަންކަރަށް މަރުހަބާ ވިދާޅުވެފައެވެ.
ޖައިޝަންކަރު އައްޑޫ ސިޓީއަށް ވަޑައިގަތުމާއި ގުޅިގެން މަރުހަބާ ވިދާޅުވެ ވަޒީރު ޒަމީރު އެކްސް ގައި ކުރެއްވި ޕޯސްޓެއްގައި ވިދާޅުވީ، ޖައިޝަންކަރު އައްޑޫ އަށް ކުރައްވާ ދަތުރުފުޅުގެ ތެރެއިން އިންޑިއާގެ އެގްޒިމް ބޭންކްގެ ލައިން އޮފް ކްރެޑިޓް ފެސިލިޓީގެ ދަށުން ހިންގި އައްޑޫ ސިޓީގެ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއާއި، ހަންކެޑެ ބުރިޖްގެ މަޝްރޫއު ސަރުކާރާއި ހަވާލުކުރުމަށް ހަމަޖެހިފައިވާ ކަމަށެވެ.
މިއީ އައްޑޫ ސިޓީގެ ތަރައްގީއަށް ވަރަށް މުހިންމު ދެ ޕްރޮޖެކްޓްކަން ވަޒީރު ޒަމީރު ފާހަގަކުރެއްވިއެވެ.
ޖައިޝަންކަރު ރާއްޖެއަށް ކުރައްވަމުން ގެންދަވާ ދަތުރުފުޅުގެ ތެރެއިން އިއްޔެ ވަނީ، ތިލަމާލެ ބްރިޖްގެ މަސައްކަތް ބައްލަވާލެއްވުމުގެ އިތުރުން، އިންޑިއާގެ އެހީގައި ނިންމި 28 ރަށެއްގެ ފެނާއި ނަރުދަމާގެ މަޝްރޫއުތައް ވެސް ދިވެހި ސަރުކާރާއި ހަވާލުކޮށްދެއްވާފައެވެ.
Advertisement
This content is created and paid for by advertisers and does not involve Voice Journalists
