ވިއްސާރަ ދުވަސް ދުވަހާއި ވިއްސާރަ ނޫން ދުވަސް ދުވަހުވެސް ސޫޕް ތައްޓެއް ބުއިމަކީ ހިތްހަމަޖެހުން ގެނެސްދޭނެ ކަމެކެވެ. އެހެންކަމުން މިއަދު 'ވޮއިސް'ގެ ބަދިގެއިން މި ގެނެސްދެނީ މީރުކޮށް ވެޖެޓެބަލް ސޫޕް ތައްޔާރު ކޮށްލާނެ ގޮތެވެ.

1 ދަޅު މަސް

1 ކެރެޓު (ބޮޑެތިކޮށް ހަތަރެސްކަން ގޮޅިއަށް ކޮށާފައި)

1/2 ލީކްސް (ތުނިކޮށް ކޮށާފައި) 

1 ފިޔާ (ހަތަރު ފަޅިއަށް ފަޅާފައި)

10 ބީންސް ( ބޮޑެތިކޮށް ކޮށާފައި)

1 އަލުވި ( ކިޔުބް ކޮށް ކޮށާފައި)

8 ތަށި ފެން

ޕާސްލޭ ފަތް (ކޮށާފައި) 

ނޫޑްލްސް ސޫޕް ޕެކެޓް

1/2 ޕެކެޓް ނޫޑްސް 

އަސޭމިރުސް

6 ލޮނުމެދު (ބޮޑެތިކޮށް ކޮށާފައި) 

20ގ ބަޓަރ

ހިކަނދިފަތް

ގިތެޔޮމިރުސް 

ހިކި ރަތް މިރުސް (ބޮޑެތިކޮށް ކޮށާފައި) 

1 ބިސް

1) ތެއްޔަކަށް ފެން އަޅައި އޭގެ ތެރެއަށް ކެރެޓާއި އަދި ލީކްސް އެޅުމަށް ފަހު، މަސް ދަޅާއި، އަލުވި، ލޮނު އަދި އަސޭމިރުސް އަޅައި ކައްކަން އުދާށެވެ. 

2) މިތަކެތި ރަނގަޅަށް ރޯފިލުމުން އޭގެ ތެރެއަށް ފިޔާ އާއި ލޮނުމެދު، ނޫޑްސް ހިކަނދިފަތް އަދި މިރުސް ކޮޅު އަޅާލާށެވެ. އެއަށްފަހު 10 ވަރަކަށް މިނެޓު ކައްކާލާށެވެ.

3) ލޮނު ހެޔޮވަރު ކޮށްލުމަށްފަހު ބަޓަރ ކޮޅާއި ބިސް އަޅާލައި، ފަސް މިނެޓް ވަންދެން މަޑު ގިނީގައި ކައްކާލާށެވެ. 

ވެޖެޓެބަލް ސޫޕް އެހުރީ ތައްޔާރު ވެފައެވެ. ގާލިކް ބްރެޑާއި އެކު ހުތް ކޮޅެއް ޖަހާލައިގެން ވަރަށް މީރުވާނެއެވެ.