ރާއްޖެއަށް ކުރަމުންދާ ވިއްސާރަ އިތުރަށް ގޯސްވެ، މޫސުމާއި ބެހޭ އިދާރާ (މެޓް އޮފީސް) އިން ދެކުނުގެ އަތޮޅުތަކަށް ރީނދޫ ސަމާލު ނެރެފިއެވެ.
މޫސުމާއި ބެހޭ އިދާރާއިން ބުނީ، ގއ އިން ފެށިގެން އައްޑޫ ސިޓީއާއި ހަމައަށް މިއަދު ހަވީރު 16:10 އިން މިރޭ 20:30 އާއި ހަމައަށް ބޯކޮށް ވާރޭވެހި ގުގުރުމުގެ އިތުރުން، ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ވަރަށް ގަދަވާނެކަމަށް ލަފާކުރާކަމަށެވެ.
މީގެ އިތުރުންވެސް މެޓް އޮފީހުން ވަނީ މޫސުން އިތުރަށް ގޯސްވާނެ ކަމަށް ލަފާކޮށް، މޫސުން އިތުރަށް ގޯސްވާނެ ކަމަށް ލަފާކޮށް، ކ އަތޮޅުން ފެށިގެން އދ އަތޮޅާއި ދެމެދުގެ ރަށްތަކަށް އޮރެންޖު ސަމާލު ވެސް ނެރެފައެވެ.
ހަމައެއާއިއެކު، ބޯކޮށް ވާރޭވެހި، ގަޑިއަކު 25 މޭލާއި 30 މޭލާއި ދެމެދަށް ވައިޖެހި، ވިލާގަނޑުގައި ގަޑިއަކު 50 މޭލަށް ވައިގަދަވާނެކަމަށާއި، ކަނޑުތައް ވަރަށް ގަދަވާނެ ކަމަށް ލަފާކޮށް އެ އިދާރާއިން ވަނީ ހއ އަތޮޅުން ފެށިގެން އދ އަތޮޅާއި ހަމައަށް މިއަދު މެންދުރު 13:00 އިން ފެށިގެން މިއަދު ހަވީރު 17:00 އާއި ހަމައަށް ރީނދޫ ސަމާލު ވެސް ނެރެފައެވެ.
Advertisement
This content is created and paid for by advertisers and does not involve Voice Journalists
