ރައީސް އޮފީހުގެ މިނިސްޓަރުގެ މަގާމުން އާދަމް ރަމީޒު މަގާމުން ވަކިކޮށްފިއެވެ.

ރައީސް އޮފީހުން މިކަން ރަސްމީކޮށް ހާމަކޮށްފައި ނުވި ނަމަވެސް، ސަރުކާރުގެ އިސް ބައެއް އޮފިޝަލުން ވަނީ ރަމީޒު މަގާމުން ވަކިކުރައްވާފައިވާ ކަން ކަށަވަރުކޮށްދީފައެވެ.

ރައީސް އޮފީހުގެ ވެބްްސައިޓްގައި ރައީސް އޮފީހުގެ މިނިސްޓަރުންގެ ލިސްޓުގައި ވެސް ރަމީޒުގެ ނަން ނެތްކަން ފާހަގަކޮށްލެވެއެވެ.

Advertisement

މި މަގާމުން ރަމީޒު ވަކިކުރައްވާފައި މިވަނީ އޭނާއަށް ކުރެވުނު ތުހުމަތަކާ ގުޅިގެން މިދިޔަ ޖޫން މަހުގެ 27 ވަނަ ދުވަހުން ފެށިގެން ސަސްޕެންޑްކޮށްފައި ބެހެއްޓުމަށްފަހު އެވެ.

ރަމީޒް މަގާމުން ވަކިކުރުމުގެ ކުރިން މިދިޔަ ޖޫން މަހުގެ ތެރޭގައި, އޭނާގެ ކުރީގެ އަނބިކަނބަލުން ތިމާވެއްޓާ ބެހޭ މިނިސްޓްރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމް ރައީސް ޑރ. މުހައްމަދު މުއިއްޒުއަށް ސިހުރު ހެދިކަމުގެ މައްސަލައެއްގައި، ހައްޔަރުކުރިއެވެ.

އެހެންނަމަވެސް އޭނާގެ މައްވަށް ދައުވާ ކުރެވޭވަރަށް ހެކި ލިބިފައިނުވާތީ ޕީޖީން ވަނީ އޭނާގެ މައްޗަށް ދައުވާ ނުކުރަން ނިންމާފަ އެވެ.