ޣައްޒާ ސިޓީގެ އިރުމަތީގައި އޮންނަ އަލްޒައިތޫން ސެންޓަރު ކައިރީގައި ހުންނަ ޔާސީން އާއިލާއަށް ނިސްބަތްވާ ގެއަކަށް އަމާޒުކޮށް ހައްދުފަހަނަ އަޅާފައިވާ އިޒްރާއިލުން ދިން ހަމަލާގައި 13 މީހުން ޝަހީދުވެ އެތައް ބައެއް ޒަހަމްވެއްޖެއެވެ.
މިހަމަލާ ދީފައިވަނީ އިއްޔެ ރޭގެ ވަގުތެއްގައެވެ. މިހަމަލާގައި ކުޑަކުދިންނާއި އަންހެނުންވަނީ ޝަހީދު ކޮށްލާފައެވެ.
އަދި މީގެ އިތުރުން މިއަދު ހެންދުނު ޣައްޒާ ސިޓީގެ ދެކުނުގައި އޮންނަ އަލް ސަބްރާ އަވަށުގައި އޮންނަ ޚާޒިޤު އާއިލާއަށް ނިސްބަތްވާ ގެއަކަށް އަމާޒުކޮށް ހައްދުފަހަނަ އަޅާފައިވާ އިޒްރާއިލުން ދިން ހަމަލާގައި ވަނީ 5 މީހުން ޝަހީދުވެ އެތައްބައެއް ޒަހަމްވެފައެވެ.
ހައްދުފަހަނަ އަޅާފައިވާ އިޒްރާއިލުން ޣައްޒާގައި ޢާއިލާތަކާ ދެކޮޅަށް މި ދިޔަ 24 ގަޑިއިރުތެރޭ 3 ގަތުލު އާންމެއްހިންގައި، 40 ޝަހީދުކޮށްލައި 107 މީހުން ވަނީ ޒަހަމްކޮށްލާފައިވާކަމަށް ޣައަޒާގެ ހެލްތް މިނިސްޓްރީ އިންވަނީބުނެފައެވެ.
މިދިޔަ އޮކްޓޫބަރު މަހުގެ ހަތްވަނަ ދުވަހުން ފެށިގެން ހައްދުފަހަނަ އަޅާފައިވާ އިޒްރާއިލުގެ ޒަޔަނިސްޓުން ޣައަޒާއަށް ދެމުންދާ ހަމަލާތަކުގެ ސަބަބުން 40.005 ޝަހީދުވެ، 92،401 މީހުން ޒަޚަމްވެފައިވާކަމަށް ޣައަޒާގެ ހެލްތް މިނިސްޓްރީ އިންވަނީބުނެފައެވެ.
Advertisement
This content is created and paid for by advertisers and does not involve Voice Journalists
