ކޮވިޑް-19 އާ ގުޅިގެން ގާތްގަނޑަކަށް 5 އަހަރު ވަންދެން ބޯޑަރުތައް ބަންދުކޮށްފައި ބެހެއްޓުމަށްފަހު، އުތުރު ކޮރެއާއިން ބޭރުގެ ފަތުރުވެރިންނަށް އަލުން ބޯޑަރުތައް ހުޅުވާލަން ނިންމައިފިއެވެ.

ޗައިނާގެ ބެއިޖިންގްގައި ހިންގާ ކޯރިޔޯ ޓުއަރސްއިން ބުނީ، އުތުރު ކޮރެއާގެ ސަމްޖިޔޯން ސިޓީއަށާއި އެނޫންވެސް ހިސާބުތަކަށް ފަތުރުވެރިން ގެނައުމަށް 2024 ވަނަ އަހަރުގެ ޑިސެމްބަރު މަހު ހުޅުވާލާނެ ކަމަށް ބެލެވޭ ކަމަށެވެ.

ހަމައެއާއިއެކު، ޗައިނާގެ ޝެންޔަންގްގައި ހިންގާ ކޭޓީޖީ ޓުއަރސްއިން ވެސް ވަނީ 2024 ވަނަ އަހަރުގެ ފަހުކޮޅުން ފެށިގެން ފަތުރުވެރިންނަށް ސަމްޖިޔޯންއަށް ދެވޭނެ ކަމަށް އިއުލާނުކޮށްފައެވެ.

Advertisement

ކޮވިޑް-19 ގެ ބަލިމަޑުކަން ފެތުރުނު 2020 އިން ފެށިގެން އުތުރު ކޮރެއާއަށް ބޭރުގެ ފަތުރުވެރިން ދަތުރުކުރުން ވަނީ ގާތްގަނޑަކަށް ހުއްޓިފައެވެ،

މީގެ ކުރިން ދުވަހަކު ވެސް މިހާ ގިނަ އަހަރުތަކަކަށް ބޯޑަރުތައް ބަންދުކޮށްފައިނުވާ ކަމަށް އުތުރު ކޮރެއާގައި 30 އަހަރަށްވުރެ ގިނަ ދުވަހު މަސައްކަތްކޮށްފައިވާ ކޯރިޔޯ ޓުއަރސްއިން ވަނީ ބުނެފައެވެ.

އުތުރު ކޮރެއާއިން ބައިނަލްއަޤްވާމީ ފްލައިޓްތަކަށް މިދިޔަ އަހަރު ބޯޑަރު ހުޅުވާލިފަހުން، މިއަހަރުގެ ފެބްރުއަރީ މަހު  މައްޗަށް އެކުލެވޭ ރަޝިއާގެ ފަތުރުވެރިންގެ ގްރޫޕެއް އުތުރު ކޮރެއާއަށް ދިޔައިރު، ރަޝިއާގެ ރައީސް ވްލަދިމީރް ޕުޓިން ހިމެނޭގޮތަށް، އެހެން ޤައުމުތަކުގެ އިސް ވެރިންވެސް އެ ޤައުމަށް ޒިޔާރަތްކޮށްފައިވެއެވެ.

އެހެންނަމަވެސް، 2020 އިން ފެށިގެން މިހާތަނަށް އުތުރު ކޮރެއާއިން ބައިނަލްއަޤްވާމީ ފަތުރުވެރިންނަށް މިހާ ހާމަކޮށް ހުޅުވާލާފައެއް ނުވެއެވެ.