މޫސުން ގޯސްވާނެ ކަމަށް ލަފާކޮށް، މޫސުމާއި ބެހޭ އިދާރާ (މެޓް އޮފީސް) އިން ރާއްޖޭގެ ބޮޑުބަޔަކަށް ރީނދޫ ސަމާލު ނެރެފިއެވެ.

މިިގޮތުން މެޓް އޮފީހުން ވަނީ މިއަދު ހެނދުނު 8:00 އިން މެންދުރު 13:00 އާއި ހަމައަށް ހއ އިން ފެށިގެން ތ އަތޮޅަށް ރީދޫ ސަމާލު ނެރެފައެވެ.

މެޓް އޮފީހުން ބުނީ، މި ސަރަހައްދަށް ބޯކޮށް ވާރޭވެހި ގަޑިއަކު 25 މޭލާއި 30 މޭލާއި، ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 50 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާ ކުރެވޭ ކަމަށެވެ.

Advertisement

މި އަތޮޅުތަކުގެ އިތުރުން، އެ އިދާރާއިން ވަނީ ލ އަތޮޅުން ފެށިގެން އައްޑޫ ސިޓީ އަށް ހުދު ސަމާލު ނެރެފައެވެ.

މިގޮތުން މިއަދު ހެނދުނު 6:30 އިން ފެށިގެން މިއަދު މެންދުރު 12:30 އާއި ހަމައަށް ހުދު ސަމާލު ނެރެފައިވާއިރު، އެ އިދާރާއިން ބުނީ އެ ސަރަހައްދަށް ބޯކޮށް ވާރޭވެހުމާއިއެކު، ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ލަފާކުރެވޭ ކަމަށެވެ.