ތައިލެންޑްގެ ޕާލިމެންޓުން އެގައުމުގެ ބިލިއަނަރު އަދި ކުރީގެ ބޮޑުވަޒީރު ތަކްސިންގެ ދަރިކަނބަލުން ޕެޓޮންގްޓަރން ޝިނަވަޓްރާ އެގައުމުގެ އައު ބޮޑުވަޒީރުކަމަށް ހޮވައިފިއެވެ.

އުމުރުފުޅުން 37 އަހަރުގެ ޕެޓޮންގްޓަރން މި މަގާމަށް ހޮވުމާއިއެކު، އެކަމަނާ ވެގެން ގޮސްފައިވަނީ ތައިލެންޑްގެ އެންމެ ހަނގު ބޮޑުވަޒީރަށެވެ. އަދި މިއީ އެކަމަނާގެ ބޮޑުދައިތާ ޔިންގްލަކްގެ ފަހުން އެ މަޤާމަށް ހޮވުނު ދެވަނަ އަންހެން ބޭފުޅާއެވެ.

ޕެޓޮންގްޓަރން އަށް އެގައުމުގެ ރަސްގެފާނު މަހާ ވަޖިރަލޮންގްކޯން ވަނީ މިހާރު ރުހުން ދެއްވާފައެވެ.

Advertisement

މި މަގާމަށް ޕެޓޮންގްޓަރން ހޮވުނީ، އެގައުމުގެ ބޮޑުވަޒީރު ކަމުގައި ކުރިން ހުންނެވި ސްރެތާ ތަވިސިން އެގައުމުގެ ކޯޓެއްގެ ހުކުމަކުން މަގާމުން ވަކިކުރިތާ ދެ ދުވަސްފަހުންނެވެ.

މި ދެ ބޭފުޅުންނަކީވެސް ވެރިކަން ހިންގާ ކޯލިޝަން އުފެއްދި ޕިއު ތައި ޕާޓީގެ މެންބަރުންނެވެ.

319 މެންބަރުންގެ ތާއީދާއިއެކު ތައިލެންޑްގެ ބޮޑުވަޒީރު ކަމުގެ މަގާމަށް ހޮވިވަޑައިގެން ޕެޓޯންގްތާން އަކީ ވޭތުވެދިޔަ ވިހި އަހަރުގެ ތެރޭގައި ބޮޑުވަޒީރުކަމަށް އައި ޝިނަވަތްރާ ޢާއިލާގެ ހަތަރުވަނަ މެންބަރެވެ.