ރޭގައި ކުރި ވިއްސާރައިގައި އުތުރުގެ ރަށްތަކުގެ 69 ގެއަކަށް ފެންވަދެ އެކިވަރުގެ ގެއްލުންތައް ވެއްޖެއެވެ.
މިކަމާއި ގުޅޭގޮތުން ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނީ، ހއ. ހޯރަފުށީގެ 2 ގެއަކަށް, ހދ ކުޅުދުއްފުށީގެ 57 ގެއަކަށް, ށ.ފީވަކުގެ 5 ގެއަކަށް އަދި ށ.ނޫމަރާގެ 5 ގެއަކަށް ފެން ވަދެ ގެއްލުން ވެފައިވާ ކަމަށެވެ.
މީގެ ތެރެއިން ކުޅުދުއްފުށީގެ 5 ގެއަކުން މީހުން ބަދަލު ކުރެވިފައިވާކަމަށް ވެސް އެންޑީއެމްއޭ އިން މައުލޫމާތުދެއެވެ.
އުތުރުގެ ރަށްތަކަށް ރޭ ކުރި ވިއްސާރައިގައި 69 ގެއަކަށް ފެންވަދެ އެކިވަރުގެ ގެއްލުންތައް ވަނީ ލިބިފައި-- ފޮޓޯ: އެންޑީއެމްއޭ
އުތުރުގެ އަތޮޅުތަކަށް މޫސުން ގޯސްވާނެކަމަށް ލަފާކޮށް އިއްޔެ ވަނީ އެ ސަރަހައްދަށް ރީނދޫ ސަމާލާއި އޮރެންޖު އިންޒާރުވެސް މޫސުމާއި ބެހޭ އިދާރާ (މެޓް އޮފީސް) އިން ނެރެފައެވެ.
އެހެންނަމަވެސް، ރޭ ދަންވަރު 1:00 އިން މިއަދު ހެނދުނު 7:00 އާއި ހަމައަށް އެ ސަރަހައްދުގެ މޫސުން ކުރިއަށްވުރެ ރަނގަޅުކަމަށް ލަފާކޮށް ވަނީ ހުދު ސަމާލު ނެރެފައެވެ.
Advertisement
This content is created and paid for by advertisers and does not involve Voice Journalists
