އުރީދޫ މަސްރޭސް ތިނަދޫސިޓީގައި މިއަދު ފަށައިފިއެވެ.

ތިނަދޫގައި ކުރިއަށްދާ އުރީދޫ މަސްރޭހުގައި ޖުމްލަ 8 ޓީމެއް ވާދަކުރާއިރު، މަސްރޭހުގައި ބައިވެރިވާ ޓީމްތައް މިހާރު ވަނީ މަސްބޭނުމަށް ފުރާފައެވެ. ޓީމްތައް އެނބުރި ރަށަށް އައުމަށް ހަމަޖެހިފައިވަނީ މިރެއެވެ. 

އުރީދޫ މަސްރޭސް މިފަހަރު ރާއްޖޭގެ ތިން ސަރަހައްދެއްގައި ކުރިއަށްގެންދެއެވެ. އެއީ ތިނަދޫގެ އިތުރުން ކ.ހިންމަފުއްޓާއި ޅ. ނައިފަރުގައެވެ. މީގެ ތެރެއިން ހިންމަފުށީގައި ބޭއްވުމަށް ނިންމި މަސްރޭސް ނިމުނުއިރު، އެ އިވެންޓުގެ ޗެމްޕިއަންކަން ހޯދީ ސިފްކޯގެ ޓީމެވެ. ހިންމަފުށީގައި ބޭއްވި މަސްރޭހަށް ބޮޑު ތަރުހީބެއް ވަނީ ލިބިފައެވެ.

Advertisement

އުރީދޫއިން ވަނީ މިފަހަރުގެ މަސްރޭހުގެ އެކި އިނާމްތަކަށް އެއް ލައްކައަށްވުރެ ގިނަ ރުފިޔާ ދިނުމަށް ނިންމާފައެވެ. މިގޮތުން ކޮންމެ ސަރަހައްދަކުން އެއްވަނައަށްދާ ޓީމަކަށް 25،000 ރުފިޔާ ދިނުމަށް ވަނީ ކަނޑައަޅާފައެވެ. މީގެ އިތުރުން ދެވަނަ ޓީމަށް 10،000 ރުފިޔާ އަދި ތިންވަނަ ޓީމަށް 5,000 ރުފިޔާ ވަނީ ކަނޑައަޅާފައެވެ.

އުރީދޫ މަސްރޭހުގެ ތެރެއިން... ފޮޓޯ/ އުރީދޫ މޯލްޑިވްސް

ޓީމް ވަނަތަކުގެ އިތުރުން އެންމެމޮޅު ފިރިހެން އަދި އަންހެން މަސްވެރިޔާވެސް ހޮވުމަށް ވަނީ ހަމަޖެހިފައެވެ. އެންމެ މޮޅު އަންހެން މަސްވެރިއަކަށް 1،000 ރުފިޔާ އަދި އެންމެ މޮޅު ފިރިހެން މަސްވެރިޔާއަށްވެސް ވަނީ 1،000 ރުފިޔާގެ ފައިސާގެ އިނާމް ދިނުމަށް ހަމަޖެހިފައެވެ.

ޕޮއިންޓް ދިނުމަށް ހަމަޖެހިފައިވާ ގޮތް...

މަސްރޭހުގައި ޓީމުތަކަށް ޕޮއިންޓްސް ދިނުމުގައި ބަލާނީ، ބޭނިމަސް ނިސްބަތްވާ ކެޓަގަރީއާއި ބަރުދަނަށެވެ. އެގޮތުން ކޮންމެ ކެޓަގަރީއަކުން ބޭނިމަހުގެ ބަރުދަން ގުނަ ކެޓަގަރީ ޕޮއިންޓް އަކީ ކެޓަގަރީއަށް ލިބުނު ޖުމްލަ ޕޮއިންޓެވެ. ޓީމުގެ އަސްލު ޕޮއިންޓްގެ ގޮތުގައި ބެލެވޭނީ ހުރިހާ ކެޓަގަރީއެއްގެ ޖުމްލަ އެއްކުރުމުން އަންނަ ޢަދަދެވެ.

އުރީދޫ މަސްރޭހުގެ ތެރެއިން... ފޮޓޯ/ އުރީދޫ މޯލްޑިވްސް

އުރީދޫ މޯލްޑިވްސްގެ އިޖުތިމާއީ ޒިއްމާގެ ދަށުން, އެކުންފުނިން ރައްޔިތުންނާއެކު އޮންނަ ގުޅުން އިތުރަށް ވަރުގަދަ ކުރުމުގެ ގޮތުން ކުރިއަށްގެންދާ އުރީދޫ މަސްރޭހަށް ކޮންމެ އަހަރަކުވެސް އާއްމުންގެ ފަރާތުން ބޮޑު ތަރުހީބެއް ލިބެއެވެ.