ތުލުސްދޫގައި މިހާރު ކުރިއަށްދާ އޭޝިއަން ސާފިން ޗެމްޕިއަންޝިޕު 2024 ގެ ސެމީ ފައިނަލުން ރާއްޖޭގެ ޒުވާން އެތްލީޓް ކަޔާން ހަމްދާން ޒަކީ ޖާގަ ހޯދައިފި އެވެ.

މުބާރާތުގެ ކުއާޓާ ފައިނަލް ހީޓް ދޭއްގައި ވާދަކޮށް 9.64 ޕޮއިންޓާއ3ކު ކަޔާން ހީޓުން ދެވަނަ ހޯދުއިރު، ތިން ސާފަރުން ވާދަކުރި ހީޓުގެ އެއްވަނަ ހޯދީ ފިލިޕީންސްގެ ސާފަރު ޓްރޮއީ އެސްޕެޖޯން އެވެ. އޭނާ ވަނީ 11.10 ޕޮއިންޓް ހޯދާފައެވެ. އަދި މިހީޓުން ތިންވަނަ ހޯދި ލަންކާގެ ކަނަޕަތީ ޖޭ އަށް ލިބުނީ 8.06 ޕޮއިންޓެވެ.

ހީޓް ތިނެއްގައި ވާދަކުރި ރާއްޖޭގެ ޖޫނިއާ ކެޕްޓަން ސައްޔިދު ސޮލާހުއްދީން ދިޔައީ ހީޓުގެ ފުލަށެވެ. އޭނާ އަށް 7.90 ޕޮއިންޓް ލިބުނުއިރު، އެ ހީޓުން އެއްވަނަ ހޯދީ އިންޑިއާގެ ކިޝޯރު ކުމާރެވެ. އޭނާ ވަނީ 11.50 ޕޮއިންޓް ހޯދާފައެވެ. އަދި އެހީޓުން ދެވަނަ އަށް ދިޔައީ ޗައިނީޒްޓައިޕޭގެ ޖޯންޖޯން ޗާންއަށް ލިބުނީ 8.76 ޕޮއިންޓެވެ.

Advertisement

ކަޔާން އަރީފް ވާދަކުރި ހީޓުން އޭނާ ފުލަށް ދިޔަ ނަމަވެސް މިހީޓުގެ ދެވަނަ ހޯދި ކޮރެއާގެ ސޮއިހޫން ޖޫންއާ 9.83 ޕޮއިންޓް ހޯދިއިރު، އަރީފް ވަނީ 9.17 ޕޮއިންޓް ހޯދާފައެވެ. އަދި މިހީޓުން އެއްވަނަ ހޯދީ ޖަޕާނުގެ ޓާރޯ ޓަކައި އެވެ. އޭނާ 18.10 ޕޮއިންޓް ހޯދިއިރު، މިއީ ކުއާޓާ ފައިނަލުގެ ހަތަރު ހީޓުން ވެސް އެންމެ ގިނަ ޕޮއިންޓް ސްކޯ ކުރި އެތްލީޓެވެ.

ސެމީ ފައިނަލުގައި ކަޔާން ޒަކީ ލައްވާލީ ޓާރޯއާ އެކު ހީޓް ދޭގަ އެވެ. އެ ހީޓުގައި ދެން ހިމެނެނީ އިންޑިއާގެ ކިޝޯރާއި ކުއާޓާގެ ހީޓު އެކަކުން ދެވަނަ ހޯދި ޗައިނާގެ ޗެންގް ޒެންގް އެވެ.