ކަލާފާނު ސްކޫލުގެ 35 ވަނަ އަހަރީ ދުވަސް ފާހަގަކުރުމުގެ ޚާއްސަ ޕެރޭޑެއް މިއަދު ހަވީރު ބޭއްވުމަށް ނިންމައިފިއެވެ.

މި ޕެރޭޑް ފެށުމަށް ހަމަޖެހިފައިވަނީ މިއަދު ހަވީރު 16:30 ގައި ކަލާފާނު ސްކޫލް ކުރިމަތިންނެވެ.

ވޮއިސްއަށް މައުލޫމާތު ހިއްސާކުރަމުން ކަލާފާން ސްކޫލް ބޭންޑްގެ އިސް އޮފިޝަލަކު ވިދާޅުވީ މި ޕެރޭޑުގައި ސްކޫލުގެ ޔުނިފޯމް ބޮޑީތައް ކަމަށްވާ ކެޑޭޓް، ބޭންޑު ދަރިވަރުން، ސްކައުޓް، ގައިޑް، ކަބްސްކައުޓްގެ އިތުރުން ލިޓްލް މެއިޑުގައި އުޅޭ ދަރިވަރުން ބައިވެރިވާނޭކަމަށެވެ. އަދި އެ ސްކޫލުގެ ޓީޗަރުންނާއި މުވައްޒަފުން ވެސް ޕެރޭޑުގައި ބައިވެރިވުމަށް ހަމަޖެހިފައިވާކަމަށެވެ.

މީގެ އިތުރުން މިއަދުގެ ޕެރޭޑުގައި ކަލާފާނު ސްކޫލުގައި އެކި ބެޗުތަކުގައި ކުރިން ކިޔެވި އިސް ދަރިވަރުން ވެސް ބައިވެރިވާއިރު، ޕެރޭޑަށް އެކުލަވައިލެވިފައިވާ ބްރާސް ބޭންޑުގައި ވެސް މިހާރު ބޭންޑުގައި އުޅޭ ދަރިވަރުންގެ އިތުރުން ކުރިން ބޭންޑުގައި އުޅުނު އިސްދަރިވަރުން ހިމެނޭކަން ފާހަގަކޮށްލަން ޖެހެއެވެ.

ޕެރޭޑު މަޑުކުރާ ތަންތަން:

1) ގަލޮޅު ޕޮލިސް ސްޓޭޝަން - އަމީނީ މަގު

2) ސްޓޮޕް އެންޑް ޝޮޕް - އަމީނީ މަގު

3) މާލެ ޕްރިޒަންސް - ބޮޑުތަކުރުފާނު މަގު

4) ސްވިމިން ޓްރެކް - ބޮޑުތަކުރުފާނު މަގު

ޕެރޭޑު ރޫޓު--

މިއީ 2014 ވަނަ އަހަރު ސްކޫލުގެ 25 ވަަނަ އަހަރީ ދުވަސް ފާހަގަކުރުމަށް ބޭއްވި ހިނގާލުމަށްފަހު، ސްކޫލުން ބާއްވާ އެންމެ ބޮޑު ހަރަކާތެވެ. ކަލާފާން ސްކޫލަކީ ޖަޕާނު ސަރުކާރުގެ ހިލޭ އެހީގައި ބިނާކޮށްފައިވާ ސްކޫލެކެވެ.