Advertisement
އަޒުމަކަށްވާންވީ ގޮތް ހުސްވެގެން މައިދާން ދޫކޮށްލާ މީހަކަށް ނުވާނަމޭ: ރައީސް ޑރ.މުޢިއްޒު
ގޮތް ހުސްވެގެން މައިދާން ދޫކޮށްފައިދާ މީހަކަށް ނުވުމަށް އަޒުމު ކަނޑައަޅަން ޖެހޭ ކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ރައީސް ޑރ.މުޢިއްޒު މިފަދައިން ވިދާޅުވީ، މަޖީދިއްޔާ ސްކޫލްގެ "ސައްތަވީ ބިނާ" އިފްތިތާޙްކުރުމަށް ރޭ ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ޑރ.މުޢިއްޒު ވިދާޅުވީ، ކޮންމެ މީހެއްގެ ހަނދާނުގައިވެސް ބަހައްޓަންވީކަމަކީ، ހިންމަތާއި ވަރުގަދަ ޢަޒުމެއްގައި ކުރާ ކޮންމެ މަސައްކަތެއް ކާމިޔާބުވާނެކަންކަމަށާއި، ހިތްވަރާއެކު މަސައްކަތްކޮށްފިނަމަ ދަތި އުނދަގޫ އެއްވެސް ކަމެއް ނޯންނާނެކަމަށެވެ.
Advertisement
ކޮންމެ މީހެއްގެ ޢަޒުމަކަށްވާންވާނީ އަނެއްމީހާއަށް ނުވަތަ މުޖުތަމަޢަށް ނުވަތަ ޤައުމަށް މަސައްކަތްކުރުމަށްކަމަށާއި، އެގޮތަށް މަސައްކަތްކުރުމުން ޤައުމުގައި ހުރި ބޮޑެތި މައްސަލަތައް ހައްލުވާނެކަމަށް ރައީސް ޑރ.މުޢިއްޒު ވިދާޅުވިއެވެ.
"ކޮންމެ މީހެއްގެ ހިތުގައި ބިންވަޅު ނަގާ ޢަޒުމަކަށްވާންވީ މި ޢަޒުމް. ތިމަންނާ ކުރަންއޮތް ކަންކަތައްތަކުގައި ފަހަތަކަށް ނުޖެހޭނަމޭ. ތިމަންނާ ނުވާނަމޭ ގޮތް ހުސްވެގެން މައިދާން ދޫކޮށްލާފަދާ މީހަކަށް. އެއާޚިލާފަށް ކުރިމަތިވާ ހުރިހާ ޗެލެންޖަކަށް ކުރިމަތިލައިގެން ހުރިހާ ހުރަސްތަކެއް ގިރާކުރުމުގެ ޢަޒުމުގައި ކުރިއަށްދާންށޭ ތިމަންނާ މިހުރީ. ވިސްނުން ބަދަލުކޮށްލަންވީ. ކޮންމެ ރައްޔިތަކު ކުރިއަށްދާންއޮތްކަމެއްގައި މިޢަޒުމް ކަނޑައަޅަންވީ. އޭރުން އިރަދަކުރެއްވިއްޔާ ކަންތައްތަކުގައި ކާމިޔަބުވާނެ."
ރައީސް ޑރ.މުޢިއްޒު ވިދާޅުވިއެވެ.
މި ޖަލްސާގައި ރައީސް ޑރ.މުޢިއްޒު ވަނީ ކޮންމެ މީހަކުވެސް އެމީހަކަށް މަތިވެފައިވާ ކޮންމެ ކަމެއްގައި، ގާބިލްކަން ތަންދޭ އެންމެ ފުރިހަމައަށް ކުރުމަށް މަސައްކަތްކުރުމަށް ނަސޭހަތްތެރިވެވަޑައިގެންފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
