މިއަދު ނޫސްތަކުން ފެންނަނީ ދިވެހިން ކުރަމުން އައި ހުރިހާ މަސައްކަތަކާއި އޭގެ މާލީ މަންފާ ބޭރުގެ މީހުންގެ އަތްމައްޗަށް ގޮސް، އެމީހުން އެމީހުން ކާންދިން އެއްޗެއް ކާންޖެހޭ ހިސާބަށް ހާލަތުގޮސްފައިވުމުން ފަވާލެވޭ ހިތާމަވެރި ސުރުހީތައްކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.
"ދިވެހި ސަގާފީ ގޯތި" ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން މެޑަމް ސާޖިދާ ވިދާޅުވީ، ފިކުރެއް ޚިޔާލެއް ނެތް ޖީލުތަކެއް އުފެދުމާއި، އުފެއްދުންތެރި މަސައްކަތްތެރި ސިނކުޑިތަކެއް ނެތުމަކީ މިއަދު ދިވެހި މުޖުތަމައު ކަންބޮޑުވާ ކަމެއް ކަމަށެވެ.
"މިއަދު ދިވެހި މުޖުތަމައު ކަންބޮޑުވަނީ ފިކުރެއް ޚިޔާލެއް ނެތް ޖީލުތަކެއް އުފެދިފައިވާތީ. މިއަދު ދިވެހި މުޖުތަމައު ކަންބޮޑުވަނީ އުފެއްދުންތެރި މަސައްކަތްތެރި ސިނކުޑިތަކެއް، އަތްތަކެއް ނެތީތީ. މިއަދު މުޖުތަމައު ޝަކުވާ ކުރަނީ ގަޑިއަށް ފަތުވާތެރި، މަސައްކަތތުގައި ދެމި ތިބޭ ޒިންމާދާރު ދިވެހީން ފެންނަން ނެތީތީ."
މެޑަމް ސާޖިދާ ވިދާޅުވިއެވެ.
ދިވެހިން ކުރަމުން އައި ހުރިހާ މަސައްކަތަކާއި އޭގެ މާލީ މަންފާ ބޭރުގެ މީހުންގެ އަތްމައްޗަށް ގޮސް، އެމީހުން އެމީހުން ކާންދިން އެއްޗެއް ކާންޖެހޭ ހިސާބަށް ހާލަތުގޮސްފައިވުމުން ފަވާލެވޭ ހިތާމަވެރި ސުރުހީތައް ނޫސްތަކުން ފެންނަކަން ފާހަގަކުރައްވަމުން މެޑަމް ސާޖިދާ ވިދާޅުވީ، ދިވެހީންގެ ސަގާފަތަށް އެނބުރި ބަލާލުމުން ފެންނަ މަންޒަރަކީ މިފަދަ އިޖުތިމާއީ ބަލިމަޑުކަމެއް ނެތް، ފުދުންތެރި އަދި ފަޚުރުވެރި ދިވެހި ރާއްޖެ އެއް ކަމަށެވެ.
މެޑަމް ސާޖިދާގެ ވާހަކަފުޅުގައި އެކަމަނާ ވަނީ ދިވެހީިންގެ ދިރިއުޅުމުގެ ބަޔަކަށް ދިވެހި ސަގާފަތް ހެދުމަށް އިލްތިމާސްކުރައްވާފައެވެ.
މެޑަމް ސާޖިދާ މިފަދައިން ވިދާޅުވިއިރު، ދާދި ފަހުން ރާއްޖޭގައި މަގުތައް މަތީ އުޅޭ ބުޅާ މަރައި، އޭގެ މަހުން ކާތަކެތި ތައްޔާރު ކުރާ ކަމުގެ ތުހުމަތު ކުރެވޭ ބިދޭސީއަކު ހައްޔަރުކޮށްފައިވާކަން ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
