ބަންގްލަދޭޝްގެ ހޮސްޕިޓަލެއްގައި ޑިއުޓީގައި ތިބި ދެ ދިވެހި ޑޮކްޓަރުންނަށް އަނިޔާކުރި މައްސަލައެއް ފެންމަތި ވެއްޖެއެވެ.

މި ހާދިސާ ހިއްސާކުރަމުން މީހަކު ފޭސްބުކްގައި ކުރި ޕޯސްޓެއްގައި ބުނީ، ބަންގްލަދޭޝްގައި ހުންނަ ޗިޓަގޮންގް މެޑިކަލް ކޮލެޖް ހޮސްޕިޓަލްގައި ރޭގައި ދިވެހި ދެ އިންޓާން ޑޮކްޓަރުން ޑިއުޓީގައި، ބަލި މީހުންނަށް ފަރުވާ ކުރަމުން ދަނިކޮށް، ޖިސްމާނީ އަނިޔާތަކެއް ދީފައިވާ ކަމަށެވެ.

އެތަނުން އެއް ޑޮކްޓަރުގެ ގައިގައި ޖަހާފައިވާއިރު، އަނެއް ޑޮކްޓަރު ގެ އަތުގައި ހިފައި ދަމާފައި ގެންދިޔަ ކަމަށް ވެސް އެ ޕޯސްޓްގައި ވެއެވެ.

Advertisement

އެ ޕޯސްޓްގައި ވަނީ ދެފަރާތެއްގެ ދެމެދުގައި ދެކެވިފައި ހުރި ވާހަކަތަކެއްގެ ސްކްރީންޝޮޓް ތަކެއް ވެސް ހިއްސާކޮށްފައެވެ. އެސްކްރީންޝޮޓް ގައިވާ ގޮތުން އެ ދެ ޑޮކްޓަރުންނާއި މެދު މިފަދައިން އަމަލު ކުރިއިރު، އެތަނުގައި ސީނިއާ މީހުން ވެސް ތިބި ކަމަށާއި، އެމީހުން އެކަންތައް މާބޮޑު ކަމަކަށް ނެހެދި ކަމަށެވެ.

އެ ދެ ޑޮކްޓަރުންނަށް އަނިޔާ ކުރި ފަރާތުން، އެވާހަކަތައް ދޮގުކޮށް، ސީސީޓީވީން ހެކި ދެއްކުމަށް ބުނެފައިވާއިރު، ހޮސްޕިޓަލުގެ ޑައިރެކްޓަރު ވަނީ މިއީ ސީރިއަސް މައްސަލައެއްގެ ގޮތުގައި ބަލައި، ނަގަން ޖެހޭ ފިޔަވަޅުތައް އަޅާނެ ކަމަށް ބުނެފައެވެ.

މިކަމާއި ގުޅޭ ގޮތުން ކަމާ ބެހޭ އެއްވެސް އިދާރާއަކުން މިހާތަނަށް ރަސްމީކޮށް އެއްޗެއް ބުނެފައެއް ނުވެއެވެ.