ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ ނަމުގައި ސްކޭމް ފޯނު ކޯލްތަކެއް އަންނަމުންދާކަމަށް ސްޓެލްކޯގެ މެނޭޖިންގ ޑިރެކްޓަރ ހުސައިން ފަހުމީ ވިދާޅުވެއްޖެއެވެ.

އެކސްގައި ކުރެއްވި ޕޯސްޓެއްގައި، ފަހުމީ ވަނީ ސްޓެލްކޯގެ ނަމުގައި ގުޅާ ފަރާތްތަކުން ދޮގު މަޢުލޫމާތު ފަތުރައި، ކަސްޓަމަރުންނަށް އޮޅުވާލަން މަސައްކަތްކުރަމުންދާކަމަށް ވިދާޅިވެފައެވެ.

ސްޓެލްކޯއިން އެއްވެސް ކަސްޓަމަރަކަށް ފޯނުން ގުޅައި، ޒާތީ މަޢުލޫމާތާއި ބޭންކް އެކައުންޓް އަދި ކާޑުގެ މަޢުލޫމާތު ނުހޯދާނެކަމަށާއި އެއްވެސް ފަރާތަކުން ގުޅައި ސްޓެލްކޯގެ ނަމުގައި މިފަދަ މަޢުލޫމާތު ހޯދުމަށް އެދެފިނަމަ އެމަޢުލޫމާތުތައް ނުދިނުމަށްވެސް ފަހުމީ ވަނީ އިލްތިމާސްކުރެއްވިއެވެ.

Advertisement

މީގެ އިތުރުން، ސްޓެލްކޯއާ ގުޅޭ އެއްވެސް މުޢާމަލާތެއްގެ ޞައްޙަކަން ކަށަވަރުކުރަން ބޭނުންވާނަމަ، ސްޓެލްކޯގެ ރަސްމީ ޗެނަލްތަކުން ސީދާ ގުޅައިގެން އެކަން ކުރުމަށް ވެސް ވަނީ އިރުޝާދު ދީފައެވެ.

އަދި މިފަދަ ކޯލްތަކާ ގުޅޭގޮތުން ސަމާލުވުމަށް ވެސް ވަނީ އެދިވަޑައިގެންފައެވެ.