ތައްޔާރުކުރި ވީޑިއޯ ރިޕޯޓަކާ ގުޅިގެން ނުކުތާގެ ނޫސްވެރިޔާ އަދި އެ ނޫހުގެ ސީއީއޯ އާލިމް އަބްދުއްލަތީފަށް މަރުގެ އިންޒާރު ދީފިއެވެ.
މި އިންޒާރާ ގުޅިގެން ނުކުތާއިން ނެރެފައިވާ ބަޔާނެއްގައި ބުނެފައިވަނީ، ފުލުހުންގެ ބަންދުގައި ހުއްޓާ މަރުވި އަހުތަރުގެ މަރާ ގުޅިގެން ރޭގެ ވަގުތެއްގައި ނުކުތާއިން ހިއްސާކުރި ވީޑިއޯއަކާ ގުޅިގެން އާލިމަށް މަރުގެ އިންޒާރު ދީފައިވާކަމަށެވެ. މަރުގެ އިންޒާރު ދީފައިވަނީ ވީޑިއޯއަށް ކުރި ކޮމަންޓެއްގައެވެ.
މުހައްމަދު ގައިސް ނަމަކަށް ކިޔާ މީހަކު ކުރި އެ ކޮމަންޓްގައިބުނެފައިވަނީ، "އާލިމަކީ މުރުތައްދެއްކަމަށާއި ލޭ ހުއްދަވާނެ" މިހެންކަމަށް ނުކުތާގެ ބަޔާނުގައި ބުންޏެވެ. މިކަން ވަރަށް ހަރުކަށި އިބާރާތުން ކުށްވެރިކުރަމުން ނުކުތާއިން ބުނީ މި މައްސަލަ މިހާރު ދިވެހި ފުލުހުންނަށް ހުށަހަޅާފައިވާކަމަށެވެ.
މީގެ ކުރިންވެސް ނޫސްވެރިން ލިޔާ ލިޔުންތަކާ ގުޅިގެން އެ ލިޔުމެއް ލިޔުނު ނޫސްވެރިންނަށް މަރުގެ އިންޒާރުތައް ލިބިފައި އެބަހުއްޓެވެ. ނުކުތާގެ ބަޔާނުގައި ބުނީ، ފޭސްބުކްގައި ފޭކް އައިޑީ ހަދައިގެން ކުރާ މިފަދަ ކޮމެންޓްތަކުގެ ސަބަބުން ނޫސްވެރިން އަދާކުރަމުންދާ ޒިއްމާތައް އަދާކުރުމުގައި ފަހަތަށް ނުޖެހޭނޭ ކަމަށެވެ. އެގޮތުން ނޫސްވެރިން އަބަދުވެސް މަސައްކަތް ކުރާނީ ނޫސްވެރިކަމުގެ އިމުގެ ތެރެއިންކަމުގައިވެސް ނުކުތާގެ ބަޔާނުގައި ބުންޏެވެ.
Advertisement
This content is created and paid for by advertisers and does not involve Voice Journalists
