އެމެރިކާގެ ކޮލަމްބިއާ ޔުނިވާސިޓީގެ މިއަހަރުގެ އައި ސެމިސްޓަރ ފެށުމާއިއެކު، ޣައްޒާގައި ޔަހޫދީން ހިންގަމުން އަންނަ ލާއިންސާނީ އަމަލުތަކާއި ދެކޮޅަށް ކުރާ މުޒާހަރާތައް އަނެއްކާވެސް ފަށައިފިއެވެ.
ފާއިތުވި ޓާމުގައި، އައިވީ ލީގު ކޮލެޖުގައި އެމެރިކާގައި މިހާތަނަށް ފެނިފައިވާ އެންމެ ބޮޑެތި އަދި އެންމެ ކެމްޕަސް މުޒާހަރާތައް ފެނިގެންދިޔައިރު މި ހުރިހާ މުޒާހަރާތަކަކީ ވެސް ހައްދުފަހަނައަޅާފައިވާ ޔަހޫދީން ޣައްޒާގައި ހިންގަމުން އަންނަ ގަތުލުއާއްމާއި ދެކޮޅަށް ކުރަމުންދިޔަ މުޒާހަރާތަކެކެވެ.
މިދިޔަ ހަފްތާގެ އަންގާރަ ދުވަހު އައު ސެމިސްޓަރ އެއް ފަށާފައިވާއިރު، ކޮލެޖްގެ ދޮރުމަތީގައި ވަނީ ގަތުލުއާއްމާއި ދެކޮޅަށް މުޒާހަރާ ކުރަން ފަށާފައެވެ.
އެގައުމުގެ ފުލުހުން ބުނިގޮތުގައި މި މުޒާހަރާއިން މިހާތަނަށް ދެމީހަކު ހައްޔަރުކުރެވުނު ނަމަވެސް މިހާތަނަށް މުޒާހަރާތައް ކުރިއަށްދަނީ ސުލްހަވެރިކަމާއި އެކުއެވެ.
ކޮލަމްބިއާގެ ވޭތުވެދިޔަ ތައުލީމީ އަހަރު ނިމުނީ ނިއުޔޯކް ޕޮލިސް ޑިޕާޓްމަންޓުން ކެމްޕަސްގައި ޤާއިމުކޮށްފައިވާ ފަލަސްޠީނަށް ތާއީދުކުރާ ކޭމްޕެއް ރޫޅާލުމާއެކުގައެވެ. އޭގެ ފަހުން ދަރިވަރުންގެ އިހުތިޖާޖުކުރި ބަޔަކު ކުޑަ ވަގުތުކޮޅަކަށް އެކަޑަމިކް އިމާރާތެއް ހިފަހައްޓާލިއިރު، އެ މުޒާހަރާގެ ތެރެއިން 100 އަށްވުރެ ގިނަ މީހުން ހައްޔަރުކުރެވުނެވެ.
ކޮލަމްބިއާގެ އިތުރުން އެމެރިކާގެ އެކި ސަރަހައްދުތަކުގެ ގިނަ ކޮލެޖްތަކެއްގައި މި މުޒާހަރާ ކުރިއަށް ދިޔައެވެ.
މި މުޒާހަރާތަކުގެ ސަބަބުން އެދެވޭ ނަތީޖާތަކެއް ނެރެފައިވާއިރު، އޭގެ ތެރޭގައި ދަރިވަރުން އެދުނުގޮތަށް ދުނިޔޭގެ މަޝްހޫރު އެއް ޔުނިވާސިޓީ ކަމަށްވާ ހާވާޑް ޔުނިވާސިޓީން އަނިޔާވެރި އިސްރާއީލަށް ފަންޑުކުރާ ފަރާތްތަކާއި އޮތް ގުޅުން ކަނޑާލުމަށް ނިންމުން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
