ދިވެހިންގެ އަސްލުވަންތަކަމާއި ހުނަރުވެރިކަން އިއާދަކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޚާއްސަ އިސްކަމެއްދެއްވާކަމަށް ދިވެހިބަހާއި ސަގާފަތާއި ތަރިކައާބެހޭ ވަޒީރު އާދަމް ނަޞީރު އިބްރާހިމް ވިދާޅުވެއްޖެއެވެ.
މިއަހަރުގެ ޤައުމީ ދުވަހުގެ މުނާސަބަތުގައި ދަރުބާރުގޭގައި ބޭއްވި ރަސްމީ ޖަލްސާގައި ވާހަކަފުޅުދައްކަވަމުން ވަޒީރު ނަޞީރު ވަނީ ދިވެހިންގެ ޒަމާންވީ ރަނގަޅު ސިފަތަކާއި ދިވެހިންގެ އަސްލުވަންތަކަމާއި ހުނަރުތައް އިޢާދަކުރެއްވުމަށް ރައީސް ޑރ.މުޢިއްޒު ދެއްވާ ޚާއްސަ އިސްކަން ފާހަގަކުރައްވައި، އެކަމަށްޓަކައި ޝުކުރު އަދާކުރައްވާފައެވެ.
މިގޮތުން ވަޒީރު ނަޞީރު ވިދާޅުވީ، ދިވެހި ޤައުމިއްޔަތުގެ ބަހާތައް ދިރުވުމަށާއި ދިވެހިންގެ އަމިއްލަވަންތަކަމާއި ތާރީޚުގެ ޢިލްމު ދިރުވާ އާލާކުރުމަށް ގިނަ ބަޔަކު މިހާރު ޝައުގުވެރިކަން ހުންނަ ކަމަށެވެ. އަދި ވަޒީރުގެ އަރިހުގައި ދިވެހީންގެ ގައުމިއްޔަތު ދިރުވާނެ ރައީސްއެއްގެ އިންތިޒާރުގައި ތިބި ކަމަށް މީހަކު ދެންނެވި ކަމަށާއި، ރައީސް މުއިއްޒަކީ އެކަހަލަ ވެރިއެއް ކަން އެބޭފުޅާ ފާހަގަކުރެއްވިއެވެ.
"އަޅުގަނޑު ގާތު މީހަކު ދެންނެވި އަޅުގަނޑުމެން މިތިބީ ޤައުމިއްޔަތަށާއި ދިވެހިން އަސްލުވަންތަކަން އަލުން އިޢާދަކުރައްވާނެ ރައީސެއްގެ އިންތިޒާރުގައޭ. ރައީސް މުޢިއްޒަކީ އެފަދަ ބޭފުޅެއް."
ވަޒީރު އާދަމް ނަޞީރު ވިދާޅުވިއެވެ.
ވަޒީރު ވިދާޅުވީ، ގައުމީ ދުވަސް ފާހަގަކުރަމުންދާއިރު ދިވެހީންގެ ގައުމީ ސަފަތާއި ދިވެހިންގެ އަސްލުވަންތަ ސިފަތައް އަލުން އިއާދަކުރުމުގެ ހާއްސަ މަޝްރޫއެއްގެ ރައީސް ޑރ.މުޢިއްޒު ފައްޓަވާފައިވާ ކަމަށާއި، އެ މަޝްރޫއު ދަށުން ވަރަށް މުހިންމު ކަންތައްތަކެއް ތަމްސީލްވާނެ ކަމަށެވެ.
Advertisement
This content is created and paid for by advertisers and does not involve Voice Journalists
