ލޮލުރޯގާއަށް ރައްކާތެރިވާން ހެލްތު ޕްރޮޓެކްޝަން އެޖެންސީ (އެޗްޕީއޭ)އިން މިއަދު އިލްތިމާސްކޮށްފިއެވެ.

އެޗްޕީއޭއިން އެކްސް ގައި ކުރި ޕޯސްޓެއްގައި ވަނީ މި ބަލީގެ އަލާމާތްތަކާއި ބަލިން ރައްކާތެރިވާނެ ގޮތް ކިޔައިދީފައެވެ.

1) ހުން އައުން

2) ލޯ ހިރުވުން

3) ލޮލުން ފެންއައުން

4) ލޮލުގައި މަޑުހެދުން

5) ލޯ ރަތްވުން

އެޗްޕީއޭއިން ވަނީ، ލޮލުރޯގާ ޖެހިއްޖެނަމަ ނުވަތަ ޖެހިއްޖެކަން ޝައްކުވެއްޖެނަމަ ވީހާ ވެސް އަވަހަކަށް ޑޮކްޓަރަށް ނުވަތަ ސިއްހީ އެހީތެރިއަކަށް ދައްކައިގެން ފަރުވާ ހޯދަން އިލްތިމާސްކޮށްފައެވެ.

1) ގިނަ ގިނައިން ސައިބޯނި ލައިގެން އަތްދޮވުން

2) އާންމުކޮށް އަތްލާ ތަކެއްޗާއި ތަންތަން ސާފުކުރުން

3) ލޮލުގައި އަތްލުމާއި ނުވަތަ ލޯ އުނގުޅުމުން ދުރުހެލިވުން

4) ބޭނުންކޮށްފައިވާ ޓިޝޫ ފަދަ ތަކެތި ރައްކާތެރިގޮތުގައި ނައްތާލުން

5) ލޮލުރޯގާ ޖެހިފައިވާ މީހަކު ލޮލަށް އަޅަން ބޭނުންކުރާ ބޭސްފުޅި ބޭނުންނުކުރުން

ބެކްޓީރިއާ އަދި ވައިރަސްގެ ސަބަބުން ޖެހޭ މި ބައްޔަކީ ދިވެހިންގެ ތެރޭގައި އަބަދު ވެސް އުޅޭ ބައްޔަކަށްވާއިރު، އެންމެ ފަހުން ލޮލުރޯގާގެ ކޭސްތައް އިތުރުވެގެން ރިޕޯޓުކޮށްފައިވަނީ މިދިޔަ އަހަރުގެ ކުރީކޮޅެވެ.