ބަންގްލަދޭޝްގެ ކުރީގެ ބޮޑުވަޒީރު ޝައިޚް ހަސީނާ ހިމޭނުން ހުންނެވުމަށް ދެންނެވުމަށް ބަންގުލަދޭޝްގެ އިންތިގާލީ ސަރުކާރުން އިންޑިއާއަށް އަންގައިފިއެވެ.

ބަންގްލަދޭޝްގެ ވަގުތީ ސަރުކާރުގެ އިސްވެރިޔާ މުޙައްމަދު ޔޫނުސް ވިދާޅުވީ، ހަސީނާ އިންޑިޔާގައި ހުންނަވައިގެން ސިޔާސީ ވާހަކަތައް ދެއްކެވުމަކީ ދެގައުމުގެ ރަހްމަތްތެރިކަމާއި ދެކޮޅު ވާހަކަތަކެއް ކަމަށާއި، ދެގައުމަށް ދަތިވިޔަ ނުދިނުމަށްޓަކައި، ބަންގްލަދޭޝް އަށް ހަސީނާ އެނބުރިވަޑައިގަންނަވަންދެން ހިމޭނުން ހުންނަވަން ޖެހޭނެ ކަމަށެވެ.

މިގޮތުން ޔޫނުސް ވިދާޅުވީ، ބަންގްލަދޭޝް ސަރުކާރުން ހަސީނާ ގައުމަށް އަނބުރާ ގެންނަން އެދެންދެން އިންޑިޔާއިން އޭނާ ބަހައްޓަން ބޭނުންވާނަމަ، ހަސީނާ ހިމޭނުން ބެހެއްޓެވުމަށް ޝަރުތު ކުރައްވާ ކަމަށެވެ.

މީގެ އިތުރުންވެސް ޔޫނުސް ވިދާޅުވީ، ބަންގްލަދޭޝްއިން އިންޑިޔާއާއެކު ވަރުގަދަ ގުޅުމެއް ބޭއްވުމަށް އަހައްމިއްޔަތުކަން ދޭ ނަމަވެސް، އިންޑިއާއިން އަވާމީ ލީގު ފިޔަވައި އެހެން ކޮންމެ ސިޔާސީ ޕާޓީއަކީވެސް އިސްލާމީ ޕާޓީއެއްގެ ގޮތުގައި ސިފަކޮށް، ޝެއިޚް ހަސީނާ ވެރިކަން ނުކުރާނަމަ އެ ގައުމު އަފްޣާނިސްތާނަކަށް ބަދަލުވެދާނެ ކަމަށް ވިސްނާ ވިސްނުން ބަދަލު ކުރަން ޖެހޭ ކަމަށެވެ.

ހަސީނާގެ ވެރިކަމާއި ދެކޮޅަށް ބަންގްލަދޭޝްގައި ކުރިއަށް ދިޔަ ވަރުގަދަ ހަޅުތާލަށް ފަހު، ބޮޑުވަޒީރު ކަމުން އިސްތިއުފާ ދެއްވައި، ހަސީނާ ވަނީ ގައުމު ދޫކުރައްވައި، އިންޑިއާއަށް ވަޑައިގެންފައެވެ.