މަރުކަޒީ ބޭންކް، މޯލްޑިވްސް މަނިޓަރީ އޮޓޯރިޓީން ލަފާކުރިގޮތަށް, ޖުމްލަ ރިޒާވް އާއި ބޭނުންކުރެވޭ ރިޒާވް ވެސް އިތުރުވެއްޖެއެވެ.

އެމްއެމްއޭގެ ތަފާސްހިސާބުތަކުން ދައްކާގޮތުގައި، ރިޒާވް ވަނީ 395 މިލިއަން ޑޮލަރުން 444 މިލިއަން ޑޮލަރަށް އިތުރުވެފަ އެވެ. މިއީ 11 ޕަސެންޓުގެ ކުރިއެރުމެކެވެ.

މި އަހަރު ފެށުނު އިރު ޖުމްލަ ރިޒާވްގައި 551 މިލިއަން ޑޮލަރު ހުރިއިރު، މި އަހަރު ޖުމްލަ ރިޒާވް އެންމެ ބޮޑަށް އިތުރުވީ ފެބްރުއަރީ މަހު އެވެ. އެ މަހުގެ ޖުމްލަ 588 މިލިއަން ޑޮލަރަށް އެރި އެވެ.

އެމްއެމްއޭގެ ހިސާބުތަކަށް ބަލާއިރު، އެ ބޭންކުން ލަފާކުރިގޮތަށް މިދިޔަ އޮގަސްޓްމަހުގެ ތެރޭގައި ބޭނުންކުރެވޭ ރިޒާވްއަށް ވަނީ ކުރިއެރުން ލިބިފައެވެ. މިގޮތުން މީގެ ކުރީ މަހު 45 މިލިއަން ޑޮލަރުގައި ހުރި ޔޫޒަބަލް ރިޒާވް ވެސް ވަނީ 26 ޕަސެންޓަށް އިތުރުވެފައެވެ. އެއާއިއެކު، މިވަގުތު ޔޫޒަބަލް ރިޒާވްގައި މިވަގުތު ހުރީ 61 މިލިއަން ޑޮލަރެވެ.

ފާއިތުވި ތިން އަހަރު އެވަރެޖް ޔޫޒަބަލް ރިޒާވު ހުރި މިންވަރު:

1) 2022: 293 މިލިއަން ޑޮލަރު

1) 2023: 161 މިލިއަން ޑޮލަރު

3) 2024 (7 މަސް): 93 މިލިއަން ޑޮލަރު

ރިޒާވް ރަނގަޅުކުރުމަށް މަރުކަޒީ ބޭންކުން ވަނީ ފިޔަވަޅުތަކެއް އަޅާފައެވެ. މީގެ އިތުރުން މާލީ ވުޒާރާއިންވެސް ވަނީ ހަރަދު ކުޑަކުރުމުގެ ގޮތުން ހާއްސަ ފިޔަވަޅުތަކެއް އަޅައި ތަންފީޒުކުރަން ފަށާފައެވެ.