ފްރާންސްގެ ރައީސް އެމެނުއެލް މެކްރޯން، ސެންޓަރ-ރައިޓް މިޝެލް ބާނިއޭ ބޮޑުވަޒީރުކަމަށް ޢައްޔަންކުރުމާއި ގުޅިގެން އެކަމާއި ދެކޮަޅަށް ފްރާންސްގެ އާއްމުން އިހުތިޖާޖު ކުރަން ފަށައިފިއެވެ.
އެގައުމުގެ އިންޓީރިއާ މިނިސްޓްރީން ބުނެފައިވާ ގޮތުގައި 110،000 އަށް ވުރެ ގިނަ މީހުން މީހުން މަގުތަކަށް ނުކުތްކަމަށާއި، މީގެ ތެރެއިން 26،000 މީހުން ހަމައެކަނި ވެރިރަށް ޕެރިސްގައި ވެސް އިހުތިޖާޖު ކޮށްފައިވާ ކަމަށެވެ.
ހަމައެއާއިއެކު، އެގައުމުގެ ހުޅަނގުގައިވާ ނާންޓްސް، ދެކުނުގައިވާ ނީސް އަދި މާސޭ އަދި އިރުމަތީގައިވާ ސްޓްރާސްބޯގްގައިވެސް މުޒާހަރާތައް ކުރިއަށްދިޔައެވެ.
މެކްރޯން 73 އަހަރުގެ ބާނިއޭ ބޮޑުވަޒީރުކަމަށް ޢައްޔަންކުރީ މިދިޔަ ބުރާސްފަތި ދުވަހުއެވެ. ބާނިއޭ އަކީ ކޮންސަވޭޓިވް އަދި ޔޫރަޕިއަން ޔޫނިއަންގެ ކުރީގެ ބްރެގްޒިޓް މަޝްވަރާކުރި މީހެކެވެ.
ޖުލައި މަހު ނެގި ވޯޓުގައި އެންމެ ގިނައިން ވޯޓް ލިބުނު ނިއު ޕޮޕިއުލަރ ފްރަންޓް (އެންއެފްޕީ) އިއްތިހާދުގެ ކެންޑިޑޭޓު ޢައްޔަންކުރުމަށް މެކްރޯން އިންކާރުކުރުމާއި ގުޅިގެން ލެފްޓް ފްރާންސް އަންބައުންޑް (އެލްއެފްއައި) ޕާޓީގެ އިސްނެގުމުގެ ދަށުން އިދިކޮޅުން ވަނީ މެކްރޯން އިންތިޚާބަށް ނުފޫޒު ފޯރުވިކަމަށް ތުހުމަތުކޮށްފައެވެ.
މިއާއިއެކު، ގިނަ ބަޔަކު އަންނަނީ މެކްރޯންގެ އިސްތިއުފާ އަށް ގޮވާލަމުންނެވެ.
Advertisement
This content is created and paid for by advertisers and does not involve Voice Journalists
