ބާރު ސްޕީޑްގައި ދުއްވި ސައިކަލެއް ޓޯވ ކުރުމުން އެ ބަލައި ދިޔަ މީހަކު ހުޅުމާލޭ ޕޮލިސް ސްޓޭޝަނަށް ގެއްލުންދީފިއެވެ.
ފުލުހުން ބުނީ، ހުޅުމާލެ ފޭސް 1 ޕޮލިސް ސްޓޭޝަންގެ ހުޅަނގުފަރާތު ދޮރުގެ ލައިޓް ތަޅާލި މީހަކު ރޭ 4:15 އެހާކަންހާއިރު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެނެސްފައިވަނީ ކ. މާލެ، ހ. ހެމަވަތީ، ޒައިދާން މުޙައްމަދު ޒާހިރެވެ.
ފުލުހުން މަޢުލޫމާތު ދެއްވާގޮތުގައި ޒައިދާން މުޙައްމަދު ޒާހިރަކީ ނުރައްކާތެރިކޮށް ސައިކަލު ދުއްވުމުން އޭނާގެ ސައިކަލު ފުލުހުން ޓޯ ކުރުމުން ސައިކަލާ ހަވާލުވުމަށް ޕޮލިސް ސްޓޭޝަނަށް ހާޒިރުވި މީހެކެވެ.
އަދި ޒައިދާން މުޙައްމަދު ޒާހިރު ފުލުހުންގެ ބެލުމުގެ ދަށަށް ގެނެސް ބަލައި ފާސްކުރި އިރު މަސްތުވާތަކެތި ކަމަށް ބެލެވޭ އެއްޗެއް ހުރި 1 ރަބަރު ޕެކެޓް އޭނާ ލައިގެން ހުރި ޖީންސްގެ ގެ ޖީބުން ފެނިފައިވާ ކަމަށްވެސް ފުލުހުން ވިދާޅުވިއެވެ.
ފުލުހުން އިތުރަށް ވިދާޅުވީ ޒައިދާން ޕޮލިސް ސްޓޭޝަނަށް ގެއްލުންދލދިން މައްސަލައާއި މަސްތުވާތަކެތި ގެންގުޅުނު މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.
Advertisement
This content is created and paid for by advertisers and does not involve Voice Journalists
