ރެއަކީ އަނެއްކާވެސް ވަރަށް ގިނަ ބަޔަކު ކުރަމުން އައި އިންތިޒާރަކަށް ނިމުން އައި ރެއެކެވެ. ޚާއްސަކޮށް އައިފޯނަށް ލޯބިކުރާ އެންމެހާ ފަރާތްތަކަށް ޚާއްސަ ރެއެކެވެ. ސަބަބެއްވެސް ނެތިއެއް ނޫނެވެ. އައިފޯންގެ އައު ސީރީސް، އައިފޯން 16 އާއި 16 ޕްރޯ ލޯންޗު ކޮށް، ހޯމަ ދުވަހުން ފެށިގެން ޕްރީ އޯޑަރ އަށް ހުޅުވާލާނެކަން އިއުލާން ކުރީ ރޭގައެވެ.

އެއާއެކު ބައެއްް ”އައިފޯން ލަވާސް“ މިހާރު ކެތްމަދުވެފައި އެވަނީ ފޯނު އައުކޮށްލުމަށެވެ. އަތުގައި އޮތް ފޯނުގައި މައްސަލައެއް ނެތް ނަމަވެސް ” ލޭޓެސްޓް ޓްރެންޑް ފޮލޯ“ ކުރުމަށެވެ.

އައިފޯނާއި އެންމެ ވާދަވެރި ސަމްސަންގ ފޭނުންވެސް އެ ބްރޭންޑްގެ އައު މޮޑެލްއެއް ނުކުތުމުން މިފަދައިން އުޅޭތަން ފެނެއެވެ. އެހެން ނަމަވެސް، މާގިނައިން ފޯނު ބަދަލުކުރުމަކީ އެއިން ލިބޭ ފައިދާ ތަކަށްވުރެ ގެއްލުން ގިނަ ކަމެކެވެ. މިއީ ވިސްނަންޖެހޭ ބައެއް ނުކުތާތަކެވެ.

1. އެންމެ ފަހުގެ ޓެކްނޮލޮޖީއަށް އެކްސެސްވުން: ގިނައިން އަޕްގްރޭޑް ކުރުމުން އަބަދުވެސް އެންމެ ފަހުގެ ފީޗާސްތަކާއި، ރަނގަޅު ޕާފޯމަންސާއި، ސެކިއުރިޓީ ރަނގަޅުވެއެވެ.

2. އެންހަންސްޑް ޔޫޒަރ އެކްސްޕީރިއަންސް: ގިނަ ފަހަރަށް އައު މޮޑެލްތަކުގައި ރަނގަޅު ކެމެރާތަކާއި، އަވަސް ޕްރޮސެސަރތަކާއި، އަދި މާ ވަރުގަދަ ސޮފްޓްވެއަރތަކެއް އެކުލެވިގެންވާއިރު، މިއީ ޖުމްލަ ތަޖުރިބާ އިތުރުކޮށްދޭ އެއްޗެކެވެ.

1. މާލީ ހަރަދު: ނުކުންނަ ކޮންމެ އައު މޮޑެލްއަކާއި އެކު ފޯނު އައު ކުރުމަކީ އަތުން ބޮޑު ޚަރަދެއް ދާނެ ކަމެކެވެ. ޚާއްސަކޮށް، ދިރިއުޅުމުގެ ޚަރަދުތައް މިހާ ބޮޑުވެފައިވާ ދުވަސްވަރެއްގައި އެއީ ބުއްދިވެރި މާލީ ނިންމުމަކަށް ނުވާނެކަން ޔަގީނެވެ.

2. ތިމާވެށްޓަށް ކުރާ އަސަރު: އިލެކްޓްރޯނިކް ކުނި އުކާލުމަކީ ތިމާވެށްޓަށް ދިމާވާ މުހިންމު މައްސަލައެކެވެ. އެގޮތުން، ފޯނު އުފައްދަން ބޭނުން ކުރާ ބައެއް ތަކެތި ނައްތާލަން ދުވަސް ނަގާއިރު އެއިން ތިމާވެއްޓަށް ވަރަށް ނުރައްކާވެއެވެ. 

3. ޑޭޓާ ޓްރާންސްފާރ ހެސްލްސް: ޑޭޓާ، އެޕްސް، އަދި ސެޓިންގސް، އައު ފޯނަކަށް ބަދަލުކުރުމަކީ ވަގުތު ނަގާ އަދި ބައެއް ފަހަރު މައްސަލަތަކެއް ކުރިމަތިވާ ކަމެކެވެ.

4. އެޓޭޗްމަންޓް އެންޑް ފެމިލިއަރިޓީ: އާ ޑިވައިސްއަކަށް ހޭނިގެން ދިއުމަށް ވަގުތު ނަގާއިރު، ގިނަގިނައިން ފޯނު ބަދަލު ގެނައުމަކީ ތިމާގެ ރޫޓިންއަށް ބުރޫއަރާނެ ކަމެކެވެ.

5. ދީނީ ނަޒަރަކުން: އިސްލާމްދީނަކީ މެދުމިނަށް ހިތްވަރުދީ އިސްރާފުނުކުރުމަށް ހިތްވަރުދޭ އިސްލާމް ދީނެކެވެ. ފޯނުގައި މައްސަލައެއް ނުޖެހި، އެންމެ ރަަނގަޅު އިރު ބަދަލުކުރުމަކީ އިސްރާފެކެވެ.

- އިވެލުއޭޓް ނީޑްސް ވްސް ވޮންޓްސް: އާ ފީޗާސްތަކަކީ ތިމާއަށް ކޮންމެހެން ބޭނުންތެރި ފީޗާސްތަކެއްތޯ ނުވަތަ މިހާރު ބޭނުންކުރާ ފޯނު އަދިވެސް ތިމާގެ ބޭނުންތަކަށް ފުދޭތޯ ވަޒަންކުރުން.

- ބަދަލު ގޮތްތަކަށް ވިސްނާށެވެ: ބައެއް ފަހަރު، ސޮފްޓްވެއާ އަޕްޑޭޓެއް ނުވަތަ އާ އެކްސެސަރީއަކުން މިހާރު ބޭނުންކުރާ ފޯނަށް ’އައުކަން‘ ލިބިދާނެ އެވެ.

- ބައު ފޯނު ރަނގަޅު ގޮތުގައި ނައްތާލުން: އަޕްގްރޭޑް ކުރަން ނިންމިނަމަ، ބައު ފޯނު ވިއްކާލައިގެން ނުވަތަ ހަދިޔާކޮށްގެން ޒިންމާދާރުކަމާއެކު އެކަން ނިންމަންވާނެއެވެ.

އެންމެ ފަހުގެ ޓެކްނޮލޮޖީ ލިބުމުން ފައިދާތަކެއް ހުރި ނަމަވެސް، މިކަންކަން މާލީ، ތިމާވެށީގެ، އަދި ދީނީ ގޮތުން ކުރާނެ އަސަރުތަކާ އަޅާބަލާއިރު ބަރުދަން ކުރުން މުހިންމެވެ. މެދުމިނާއި ވިސްނުންތެރިކަމާއެކު ބޭނުންކުރުމަކީ ވިސްނަންޖެހޭ މުހިންމު އުސޫލުތަކެކެވެ.