އާއްމުންގެ ތެރޭގައި ވަރަށް ބޮޑު މަގުބޫލު ކަމެއް ހޯދި "ލަޔަން ކިންގް" ގައި މައި ރޯލެއް ކުޅުނު މުފާސާގެ އަޑުގެ ވެރިޔާ، ޖޭމްސް އާލް ޖޯންސް އުމުރުން 93 އަހަރުގައި މަރުވެއްޖެއެވެ.
ހަމައެއާއިއެކު، މަޝްހޫރު "ސްޓާރ ވޯޒް" ފިލްމުގެ ނުބައި މީހެއްގެ ރޯލު އަދާކުރި ޑާތު ވޭޑަރުގެ ވޮއިސް އެކްޓްވެސް ކުރި ޖޯން މަރުވެފައިވަނީ އެތައް އަހަރެއް ވަންދެން ހަކުރު ބަލީގައި އުޅުމަށްފަހުއެވެ. އޭނާގެ ގޭގައި މަރުވިއިރު، ކައިރީގައި އާއިލާ މެމްބަރުން ތިބިކަމަށް އޭނާގެ އޭޖެންޓް ބެރީ މެކްފަރސަން ބުނެފައިވެއެވެ.
ޑްރާމާއެއްގައި ދެމިގެންދާ ރޯލެއްގައި އަދާކުރި ފުރަތަމަ އެފްރިކަން އެމެރިކަން އެކްޓަރުންގެ ތެރޭގައި ހިމެނޭ ޖޯންސް ވަނީ 2 އެމީ އެވޯޑާއި، ގޯލްޑަން ގްލޯބް އެވޯ އެވޯޑަކާއި، 2 ޓޯނީ އެވޯޑާއި، ގްރެމީ އެވޯޑަކާއި، ނޭޝަނަލް މެޑަލް އޮފް އާޓްސް އަދި ކެނެޑީ ސެންޓަރ އޮނަރސް ހާސިލުކުރައްވާފައެވެ.
މީގެ އިތުރުން ވެސް އޮނަރަރީ އޮސްކާ އެވޯޑަކާއި، ލައިފްޓައިމް އެޗީވްމަންޓަށް ޚާއްޞަ ޓޯނީ އެވޯޑެއް ހާސިލްކޮށްފައިވާއިރު، 2022 ވަނަ އަހަރު ބްރޯޑްވޭގެ ތިއޭޓަރެއްގެ ނަން އޭނާގެ ނަމަށް ވަނީ ބަދަލުކުރެވިފައެވެ.
ޖޯންސް މަރުވުމާއި ގުޅިގެން ފިލްމީ ދާއިރާގައި އަދި އެނިމޭޝަން ދާއިރާގައި މަސައްކަތް ކުރާ ގިނަބަޔަކު އަންނަނީ އެކަމާއި ހިތާމަ ފާޅުކުރަމުންނެވެ.
Advertisement
This content is created and paid for by advertisers and does not involve Voice Journalists
