މަސްބަތަކީ ގިނަ ބައެއްގެ މެދުގައި ވަރަށް މަގުބޫލު ދިވެހި ކެއުމެކެވެ. އެކި މީހުން މަސްބަތް ކައްކައި އުޅެނީވެސް އެކި ގޮތަށެވެ. މިއަދު ވޮއިސްގެ ބަދިގެއިން މި ގެނެސްދެނީ ވަރަށް މީރުކޮށް މަސްބަތް ކައްކާނެ ގޮތެވެ.

2 ޖޯޑު ރޯމަސް (ކޮށާފައި)

1 ޖޯޑު ވަޅޯމަސް (ކޮށްފައި)

1 މަސް ދަޅު

2 ޖޯޑު ހަނޑޫ

2 ފިޔާ

4 ލޮނުމެދު

1 ޖޯޑު ވަށްކޮށް ކޮށާފައިހުރި ބިލިމަގު

2 މޭޒުމަތީ ސަމްސާ މުގުރި އަސޭމިރުސް

1/2 ސައި ސަމުސާ މުގުރި ދިރި

3 ޖޯޑު ކާށީކިރު 

ހިކަނދިފަތް

ރާނބާފަތް

1 ސައި ސަމުސާ އިނގުރު (ގާނާފައި)

ގިތެޔޮ މިރުސް

ހިކި މިރުސް

ތެޔޮ

ނޫޑުލްސް ސޫޕް ޕެކެޓް

ލޮނު

1) އިނގުރުކޮޅާއި 1 ލޮނުމެދު ގާނާފައި، އަސޭމިރުސް ކޮޅަކާއި ލޮނުކޮޅެއްގެތެރޭގައި ކޮށާފައިހުރި ރޯމަސް މެރިނޭޓް ކޮށްލެއްވުމަށްފަހު ތެޔޮފޮދެއްގެތެރޭގައި މުށި ކުލަ އަރަންދެން ފްރައި ކޮށްލައްވާށެވެ.

2) ދެން ތެލި އުނދުން މައްޗަށް އުދުމަށްފަހު ތެޔޮފޮދެއްއަޅާލާށެވެ. ތެޔޮފޮދު ހޫނުވުމުން ފިޔާ، ލޮނުމެދު، ހިކަދިފަތް އަދި ރާނބާފަތް، ހިކިމިރުސް އަދި ގިތެޔޮ މިރުސް އަޅައި ފިޔާކޮޅު މޯޅިވަންދެން ކައްކާލާށެވެ.

4) އެއަށްފަހު، ތެލުލި ރޯމަހާއި، ކޮށާފައި ހުރި ވަޅޯމަސް، އަދި މަސްދަޅު އެޅުމަށްފަހު ރަނގަޅަށް އެއްކޮށްލައްވާށެވެ.

3) ދެން ދޮވެފައިހުރި ހަނޑޫކޮޅުއެޔަށް އަޅާލުމަށްފަހު ހަނޑޫކޮޅުވެސް އޭގެތެރޭގައި ފްރައިކޮށްލައްވާށެވެ. ފްރައި ވުމުން ކާށީކިރާއި ސޫޕްޕެކެޓް، އަދި ލޮނު އަޅާލުމަށްފަހު ފެން މަދު ނަމަ، ފެންފޮދެއް އަޅާލުމަށްފަހު މަތިޖަހައިގެން ކައްކާލާށެވެ.

5) ބަތް އެތި މަތިން ހިނދެން ކައިރިވާންފެށުމުން ބިލިމަގު އަޅާލުމަށްފަހު ރަނގަޅަށް އެއްކޮށްލައްވާށެވެ.

6) ދެން ރަހަ ބަލަމުން ލޮނު ހެޔޮވަރު ކުރާށެވެ. ބަތް އެތި ރަނގަޅަށްމަޑުވެ، ކުޑަކޮށް ޗަސްކޮށް ހުންނަ ވަރުވުމުން އުނދުން ނިއްވާލައްވާށެވެ.

މި މަސްބަތް ތެލުލި ރިހާކުރުކޮޅަކާއި އެކު ލުނބޯ އަދި ރޯމިރުސް ކޮޅެއް ޖަހާލައިގެން ކާލަން ވަރަށް މީރުވާނެއެވެ.