މަޝްހޫރު ޕޮޕް ސްޓާރ ޓޭލަރ ސްވިފްޓް އިންސްޓަގްރާމްގައި ޝާއިޢުކުރި ވޯޓު ރަޖިސްޓްރީ ކުރުމުގެ ލިންކަށް 337،000 އަށްވުރެ ގިނަ މީހުން ޒިޔާރަތްކޮށްފިއެވެ. މިއީ ޑިމޮކްރެޓިކް ޕާޓީގެ އުންމީދުތަކަށްވުރެ މާ މަތީ އަދަދެއް ކަމަށް ބެލެވެއެވެ.

އެމެރިކާގެ ޖެނެރަލް ސަރވިސަސް އެޑްމިނިސްޓްރޓްރޭޝަން (ޖީއެސްއޭ) އިން ނެޝަނަލް ބްރޯޑްކާސްޓިންގ ކޮމްޕެނީ (އެންބީސީ) އަށް ކަށަވަރުކޮށްދިން ގޮތުގައި، ބުދަ ދުވަހުގެ މެންދުރުފަހު 2 ޖެހުމާ ހަމައަށް، 337،826 މީހުން ސްވިފްޓް ޝާއިޢުކުރި ޚާއްޞަ ޔޫއާރްއެލްއަށް ޒިޔާރަތްކޮށްފައިވެއެވެ. މި ލިންކަށް ޒިޔާރަތްކުރާ ފަރާތްތައް vote.gov އަށް ރީޑައިރެކްޓްކޮށް ގެންދެއެވެ. މިއީ އެމެރިކާގެ އެކި ސްޓޭޓްތަކުގައި ވޯޓު ރަޖިސްޓްރީ ކުރުމަށް އެހީތެރިވެދޭ ވެބްސައިޓެކެވެ.

ސްވިފްޓް އޭނާގެ އިންސްޓަގްރާމް ޕޯސްޓުގައި ވަނީ ވޯޓުލާ ފަރާތްތަކަށް އަމިއްލައަށް ދިރާސާކުރުމަށާއި ވޯޓު ރަޖިސްޓްރީ ކުރުމަށް ހަނަނދާންކުރުމަށް ގޮވާލާފައެވެ. އަދި ފުރަތަމަ ފަހަރަށް ވޯޓުލާ ފަރާތްތަކަށް ވޯޓުލުމުގެ ކުރިން ރަޖިސްޓްރީ ކުރަންޖެހޭކަން ހަނދާންކޮށްދީފައިވެއެވެ. މީގެ އިތުރުން، އަވަހަށް ވޯޓުލުމުގެ މުހިންމު ކަމުގެ ވާހަކަ ވެސް އޭނާގެ އިންސްޓަގްރާމް ސްޓޯރީގައި ހިއްސާކޮށްފައިވެއެވެ.

Advertisement

ޑިމޮކްރެޓިކް ޕާޓީގެ ފަރާތުން ވާދަކުރައްވާ ނައިބު ރައީސް ކަމަލާ ހެރިސްއަށް ސްވިފްޓް ތާއީދުކުރި ކަމަށް އިޢުލާންކުރުމާއެކު، ހެރިސްގެ ކެމްޕޭނަށް ބޮޑު ކުރިއެރުމެއް ލިބިފައިވާ ކަމަށް ބެލެވެއެވެ.

ސްވިފްޓްގެ އިންސްޓަގްރާމްގައި 283 މިލިއަން ފޮލޯވަރުން ތިބިއިރު، އޭނާގެ ޕޯސްޓަށް 9.6 މިލިއަނަށްވުރެ ގިނަ ލައިކް ލިބިފައިވެއެވެ. ސްވިފްޓް ބުނެފައިވަނީ އޭނާ ކަމަލާ ހެރިސްއަށް ވޯޓުލާނީ، އޭނާ ޤަބޫލުކުރާ ޙައްޤުތަކާއި މައްސަލަތަކަށް ޓަކައި ހެރިސް މަސައްކަތްކުރާތީ ކަމަށެވެ. އަދި ހެރިސްއަކީ ހަރުދަނާ އަދި ހުނަރުވެރި ލީޑަރެއް ކަމަށާއި، އޭނާގެ ލީޑަރޝިޕްގެ ދަށުން އެމެރިކާއަށް އިތުރު ކުރިއެރުންތަކެއް ލިބޭނެ ކަމަށް ޤަބޫލުކުރާ ކަމަށް ސްވިފްޓް ބުނެފައިވެއެވެ.

ޓޭލަރ އެލިސަން ސްވިފްޓަކީ 1989 ވަނަ އަހަރު ޑިސެމްބަރު 13 ވަނަ ދުވަހު އުފަންވި އެމެރިކާގެ ލަވަކިޔުންތެރިއެކެވެ. އޭނާ މަޝްހޫރުވެފައިވަނީ ކަންޓްރީ މިއުޒިކް އަދި ޕޮޕް މިއުޒިކްގެ ދާއިރާއިންނެވެ. ޓޭލަރ ސްވިފްޓް ވަނީ ގްރެމީ އެވޯޑް ފަދަ މަޝްހޫރު އެތައް އެވޯޑެއް ހާސިލްކޮށްފައެވެ.