ވަގަށް ނެގި ސައިކަލެއްގައި ދުއްވަމުން ގޮސް އަންހެނެއްގެ އަތުން ފޭރުނު ފިރިހެނެއް ފުލުހުން ހައްޔަރުކޮށްފިއެވެ.

މި މައްސަލައިގައި ހައްޔަރުކުރެވުނީ ރ. އަލިފުށި / ހަބީބީހެޕް، އިސްމާޢީލް ސާއިފް (39އ) އެވެ

ފުލުހުންގެ މަޢުލޫމާތު ދޭގޮތުގައި މި ހާދިސާ ހިނގާފައިވަނީ 11 ސެޕްޓެންބަރު 2023 ވަނަ ދުވަހުގެ ހެނދުނުގެ ވަގުތެއްގައި ލޮނުޒިޔާރަތް މަގުންނެވެ. ސާއިފް ވަނީ އެ ވަގުތު ސައިކަލެއްގައި ދިޔަ އަންހެނެއްގެ އަތުން ވޮލެޓަކާއި މޯބައިލް ފޯނެއް ފޭރިގަނެފައިވެއެވެ.

Advertisement

ފުލުހުން ބުނާ ގޮތުގައި މި ކުށުގައި ތުހުމަތުކުރެވޭ އިސްމާޢީލް ސާއިފް ހައްޔަރުކޮށްފައިވަނީ ކޯޓު އަމުރެއްގެ ދަށުންނެވެ. އަދި އޭނާ ފޭރުނު ވޮލެޓާއި ފޯނު ފުލުހުންވަނީ ހޯދާފައެވެ. މީގެއިތުރުން، އިސްމާޢީލް ސާއިފް ދުއްވި ސައިކަލަކީވެސް ވަގަށް ނަގާފައިވާ ސައިކަލެއްކަން އެނގިފައިވާ ކަމަށް ފުލުހުން ބުނެއެވެ. އެ ސައިކަލުވެސް ވަނީ ފުލުހުންގެ ބެލުމުގެ ދަށަށް ގެނެސްފައެވެ.

ފުލުހުން މިހާރު ގެންދަނީ މި މައްސަލަ އިތުރަށް ތަޙުޤީޤުކުރަމުންނެވެ.