ދިވެހިރާއްޖެއިން މިއަދު ފެންނަނީ ޑިމޮކްރަޓިކް ހަމަތަކާއި އުސޫލުތަކާއި ދުރަށް ދާތަން ކަމަށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ރައީސް އަބްދުﷲ ޝާހިދު ވިދާޅުވެއްޖެއެވެ.

ޝާހިދު މިފަދައިން ވިދާޅުވީ، ބައިނަލްއަގުވާމީ ޑިމޮކްރެސީ ދުވަހުގެ މުނާސަބަތުގައި އެކްސްގައި ކުރެެއްވި ޕޯސްޓެއްގައެވެ.

އެމްޑީޕީގެ ރައީސްކަމުގެ މަގާމު ފުރުއްވަމުން ގެންދަވާ ޝާހިދު ވިދާޅުވީ، ބައިނަލްއަގްވާމީ ޑިމޮކްރަސީ ދުވަސް މިއަދު ފާހަގަކުރަމުންދާއިރު، ދިވެހިރާއްޖެއިން ޑިމޮކްރަޓިކް ހަމަތަކާއި އުސޫލުތަކާއި ދުރަށް ދާތަން ފެނުމަކީ ކަންބޮޑުވާކަމެއް ކަމަށެވެ.

Advertisement

ޑިމޮކްރެޓިކް ހަމަތަކާއި ތަރައްގީ ގުޅިލާމެހިފައިވާކަން ފާހަގަކުރައްވަމުން ޝާހިދު ވިދާޅުވީ، ދިވެހިރާއްޖޭގައި ޑިމޮކްރަސީގައި ހޯދުމުގެ ކާމިޔާބީތަކާއި ދުރަށް ނުދިޔުމަށް ގަދައަޅައި މަސައްކަތްކުރަން ޖެހޭނެކަމަށެވެ. އަދި ހަމަ އެހެންމެ ޚިޔާލުފާޅުކުރުމުގެ މިނިވަންކަމާއި، އެއްވެއުޅުމުގެ މިނިވަންކަމާއި، އިންސާނީ ހައްގުތަކާއި ގާނޫނުގެ ވެރިކަން ނެގެހެއްޓުމަށް މަސައްކަތްކުރަން ޖެހޭކަމަށެވެ.

ދުނިޔޭގެ ޑިމޮކްރަސީގެ ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެވެސް ސެޕްޓެމްބަރުމަހުގެ 15 ވަނަ ދުވަހެވެ. ޑިމޮކްރަސީއަކީ ވެރިކަމުގެ ނިޒާމަށް ކިޔާ އުޅޭ ނަމެކެވެ. 

ރާއްޖެއަށް ޒަމާނީ ޑިމޮކްރަސީ އުފަންވެގެން އައީ 2008 ވަނަ އަހަރުން ފެށިގެންނެވެ. ރާއްޖެއަށް ތައާރަފްވެގެން އައި ޑިމޮކްރަސީއާއެކު އެންމެ ފުރަތަމަ ވުޖޫދަށް އައި ޕާޓީއަކީ އެމްޑީޕީއެވެ.