އުރުދުންގެ ބޮޑުވަޒީރު ކަމުގެ މަޤާމަށް އެގައުމުގެ ޝާހީގަނޑުވަރުގެ އިސް މުއައްޒަފެއް ކަމަށްވާ ޖައުފަރު ހަސަން އައްޔަނުކޮށްފިއެވެ.
އުރުންގެ ރަސްގެފާނު، ޢަބްދުالله ބިން އަލް-ޙުސައިން ދެވަނަ، ހަސަން މި މަގާމަށް ބޭފުޅަކު އައްޔަނުކުރައްވާފައިމިވަނީ، މިހާތަނަށް ބޮޑުވަޒީރު ކަމުގެ މަގާމުގައި ހުންނެވި ބަޝަރު ޚަޞަވްނާ އާއި އެގައުމުގެ ސަރުކާރު އިސްތިއުފާ ދިނުމާއި ގުޅިގެންނެވެ.
އުރުދުންގެ ޝާހީ ގަނޑުވަރުގެ އިސް މުޝީރެއްގެ ގޮތުގައި ހުންނެވި ޙަސަން އަކީ ކުރިން އެގައުމުގެ ޕްލޭނިން މިނިސްޓަރުކަމުގެ މަގާމު ވެސް ފުރުއްވި ބޭފުޅެކެވެ. އޭނާއަކީ އެމެރިކާގެ ހާވަރޑް ޔުނިވަރސިޓީން މަތީ ތަޢުލީމު ހާސިލު ކުރައްވައިގެން ހުންނެވި އަދި އުމްރާނީ ތަރައްޤީގެ ތަޖުރިބާ ލިބިވަޑައިގެން ހުންނެވި ބޭފުޅެކެވެ. އައު ސަރުކާރު އެކުލަވާލެވެންދެން ވަގުތީ ގޮތުން ސަރުކާރު ހިންގުމުގެ މަސްއޫލިއްޔަތުތައް އޭނާ ފުރުއްވަމުން ގެންދަވާނޭކަމަށް އުރުދުންގެ ޝާހީ ގަނޑުވަރުން ވަނީ ހާމަކޮށްފައެވެ.
އުރުދުންގެ އިގްތިސާދީ ހާލަތު މިވަގުތު އޮތް ހާލަތުގެ ސަބަބުން އައު ބޮޑުވަޒީރަށް ބޮޑެތި ގޮންޖެހުންތަކާއި ކުރިމަތިލާން ޖެހޭނެ ކަމަށް ކަމާ ބެހޭ މާހިރުން އަންނަނީ ބުނަމުންނެވެ.
Advertisement
This content is created and paid for by advertisers and does not involve Voice Journalists
