ދިވެހިރާއްޖޭގެ އިސްލާމިކް ޔުނިވާސިޓީ (އައިޔޫއެމް)ގައި 3 ބަހުރުވައިން މުޙާތަބުކުރާ ކޯލްސެންޓަރެއް ތަޢާރަފްކޮއްފިއެވެ.
މަތި ތައުލީމާއި މަސައްކަތްތެރިކަމާއި ހުނަރުތައް ތަރައްގީ ކުރާ ވުޒާރާއިން ބުނީ، މި ކޯލްސެންޓަރަކީ 3 ބަހުރުވައިން މުޙާތަބުކުރާ ދިވެހިރާއްޖޭގެ ފުރުތަމަ ކޯލްސެންޓަރުކަމަށާއި، އައިޔޫއެމް އިން ތަޢާރަތްކުރި މި ކޯލްސެންޓަރުގައި ދިވެހި، އިނގެރޭސި އަދި އަރަބި ބަހުން ދަރިވަރުންނާއި ބެލެނިވެރިންގެ އިތުރުން މަޢުލުމާތު ހޯދުމަށް ގުޅުއްވާ އެހެނިހެން ފަރާތްތަކަށް މުޙާތަބުކުރާނެ ކަމަށެވެ.
މި ކޯލްސެންޓަރަށް ގުޅުއްވުމަށް އައިޔޫއެމްގެ ހޮޓްލައިން ކަމުގައިވާ 1405 މެދުވެރިކޮށް ގުޅޭނެކަމަށް އެ ވުޒާރާއިން މައުލޫމާތުދެއެވެ.
އެ ވުޒާރާއިން އިތުރަށް ބުނީ، ދިވެހިރާއްޖޭގެ ޔުނިވާސިޓީތަކަކީ ބޭރުގެ ދަރިވަރުން ތައުލީމް އުގެނުމަށް އަންނަ ތަންތަނަށް ހެދުމަކީ މިސަރުކާރުގެ އަމާޒެއް ކަމަށާއި، އެ މަންޒިލަށް ވާސިލްވުމަށްޓަކައި ދިވެހިރާއްޖޭގެ އިސްލާމިކް ޔުނިވާސިޓީންވެސް އަންނަނީ ގިނަ މަސައްކަތްތަކެއްކުރަމުން އަންނައިރު، އަލަށް ތައާރަފްކުރެވުނު ކޯލްސެންޓަރގެ ސަބަބުންވެސް އެކަންކަމަށް އިތުރު ބާރަކަށް ވާނެކަމަށެވެ.
Advertisement
This content is created and paid for by advertisers and does not involve Voice Journalists
